BENVID@S AO NOSO ESPAZO! NEL PODEREDES VER O QUE FACEMOS NA CLASE, VISITAR ENLACES INTERESANTES, COLLER IDEAS, DESCARGAR MATERIAIS... ADIANTE!!!!

SEGUÍDENOS POR E-MAIL.

30/10/09

AQUÍ ESTÁ O PROMETIDO, UN RESUMO DA NOSA SEMANA DE SAMAÍN

Hoxe fomos todos guapísimos ó cole, disfrazad@s de: meigas, vampiros e vampiresas,
pantasmas, arañas... e por fin, tivemos a tan esperada festa de Samaín.
Nela, bailamos, xogamos, e comimos ARAÑAS PELUDAS e VASOIRAS DE MEIGAS, sí, sí, sí! líchedes ben!
A receita é ben sinxela, tomade nota dos ingredintes:
VASOIRAS DE MEIGA: pauciños de pan, e queixo.
ARAÑAS PELUDAS:
gaietas redondas, boliñas de chocolate (tamén valerían lacasitos ou algo así), e sirope de chocolate.
Mirade como nos quedaron.
E como non, durante a semana traballamos no noso libro do Samaín, cada un (maiores e pequenos) fixemos unhas fichas (que a profe nos poñerá a modo de libro).

E tamén entre todos, fixemos un libro que quedará na nosa biblioteca de aula, con distintas técnicas plásticas (aínda o remataremos o luns) pero vos ensinamos o que temos, para que vos fagades unha idea, vale?

Tamén fixemos tod@s unhas arañas con pintura de dedos e ceras brancas sobre cartolinas negras, fixádevos no distintas que son!

E mirade as nosas cabazas:



Aprendede con nós a canción da BRUJITA TAPITA, estade atent@s ó vídeo.
video

Unha cousiña máis, LEMBRADE QUE O LUNS NON TEMOS CLASE!!! Pero, na casa podemos facer este móbil decorativo, e así nos mantemos entretid@s alomenos un ratiño.

Imprimideo e nós o pintaremos, logo axudádenos a recortar as pezas, e por último cunha lá colgaremos os morcegos e as pantasmas do castelo, quedaranos moi chuli, e poderá quedar moi ben decorando o noso cuarto, non credes?
E tamán podemos facernos estas caretas de meigas e meigos, e así as poñemos para que non nos coñeza ninguén.
Ou tamén podemos facer este colgante de meiga:
Ou estes quebracabezas:

29/10/09

ESTIVEMOS DE CUMPREANOS...

A NOSA PARTICIPACIÓN NO BENCLALU

Estamos comezando a traballar no proxecto Benclalu, é un grupo de traballo no que está a profe dende hai dous anos, con varias profes de Andalucía, e outra compañeira galega.
Este ano, ó igual que o curso anterior, o tema deste grupo de traballo xira a redor das poesías, adiviñas, retahílas, refráns... polo que as traballaremos ó longo de todo o ano.
O traballo plásmase nun blogue común, do que as profes do grupo son as administradoras, e nel iranse poñendo refráns, adiviñas, contos, poesías... de distintos xeitos. Por exemplo, agora a profe escribiu dúas adiviñas que estamos traballando no cole, pero non puxo a resposta, para que os nenos/as dos outros coles, as lean, as aprendan... e logo, poñan a que crean que é a súa resposta.
Outras veces, gravaremos poesías co micrófono e os nosos compañeir@s do Benclalu nos poderán escoitar... outras veces poñeremos principios de contos que inventemos nós na clase, e eles lles terán que poñer o seu final... Pero tamén nós, teremos que ver ese blog con vós (as familias) para escribir as respostas ás adiviñas que poñan eles, fin ós seus contos, etc.

Agora podedes ir a ve-lo blog picando onde pon BLOGUE COMÚN, e tamén vos queda o enlace dos dous blogs BENCLALU na barra lateral esquerda.
Paricipade! Por certo, nese blog escribimos en castelán.

27/10/09

NOVIDADES NA ASEMBLEA

Hoxe a profe fixo algo que os trasnos xa lle advertiran, poñer uns símbolos para que cada un teña sempre o seu sitio gardado na asemblea. Estes símbolos son formas xeométricas (círculos e triángulos), dunha cor determinada (amarelo, vermello, laranxa, verde ou azul) e cun número (do 1 ó 5) segundo cada grupo. Cando chegamos á clase, había esos símbolos pegados no chan en forma de semicírculo, e non podíamos sentar porque non sabiamos cal nos correspondía. Así que, no panel dos encargad@s, ó lado do noso nome, a profe ía poñendo esos símbolos, e a medida que os poñía nós íamos sentándonos no que nos correspondía (así evitamos problemas de querer sentarnos ó lado de determinad@s nen@s).
Agora cada día, ó chegar, despois de poñer o mandilón, xa cada un sabe onde se ten que sentar! e de paso, aprendemos formas xeométricas, cores e números!!!!
Mirade que símbolo temos cada un de nós.
Outra novidade é que temos un libro dos nomes, de xeito que cada páxina ten os nomes que comezan por unha determinada letra, e un debuxo identificativo que comeza por esa letra. Por exemplo (A avión, S sapo; M mesa...)
Cando nos toque ser encargad@s teremos que buscar a páxina onde está o noso nome e colgalo ó lado do panel dos encargados, de xeito que cada día todos vexan que nomes comezan por esa letra. Hoxe, como o encargado era Álvaro, sabemos que tamén comezan por A: Alba, Alejandro, Ainara, Amanda e Antía.

Así, a través dos nosos nomes e os dos nosos compañeir@s iremos coñecendo todas as letras, e axiña comezaremos na utilizalas para escribir moitíssssssimas cousas!!!!
Deixámosvos aquí os debuxos que utilizamos do abecedario animado no noso libro (está en castelán):

26/10/09

O SAMAÍN VAI CHEGANDO E NÓS ESTAMOS DECORANDO

Hoxe, algúns xa troxeumos as cabazas, outros farémolo ó longo desta semana, pero na mañá de hoxe estivemos a decorar toda a entrada do cole para que cando cheguen as cabazas esté todo outonal.
Os maiores clasificamos as cousas e colocámolas nunhas cestas que trouxo a profe, despois pensamos que letras precisaríamos para escribir o nome de cada cousa, e puxémoslle carteliños.
Antes de saír, a encargada que era Amanda, explicounos a todos o que era cada cousa.
Tamén podedes ver nas fotos que decoramos unha árbore con pantasmas, sombreiros de meigas e cabazas que pintamos entre todos (maiores e pequenos).
Tamén faremos un libro do Samaín, que logo quedará na nosa biblioteca de aula, e para iso estamos utilizando distintas técnicas plásticas (mirade as fotos!).

Que vos pareceu o noso día?

24/10/09

24 DE OUTUBRO, DÍA MUNDIAL DAS BIBLIOTECAS

Non vos esquezades hoxe festéxase o DÍA MUNDIAL DAS BIBLIOTECAS, e temos unha actividade de contacontos na Biblioteca Municipal do Rosal.
Levádenos a velo!!!!
Outra cousiña, como puidéchedes ver no papel que levamos na mochila, o Concello promove unha actividade de contacontos para cada último mércores de mes. A idea é que participedes como "contador@s de contos" as familias.
A nosa profe xa dixo que colaboraría tamén, pero precisamos que haxa moit@s pais/nais voluntari@s para ir a contar un conto algunha vez.
Se queredes a profe pode axudarvos a escoller o conto, a preparar algún material complementario, ou o que queirades. Tamén podedes xuntarvos dúas ou tres persoas, por se non queredes facer a actividade sós.
Todas as persoas voluntarias deberán falar coa profe, para informarla, e logo ela falará co persoal do Concello.
Podedes apuntarvos nunha lista, facendo aquí un comentario.
Imprimidesnos estes debuxos para colorear??


E xa que nos gustan moitísimo os contos, a profe deixános aquí este enlace para que visitemos unha páxina de contos interactivos.
Preme AQUÍ.

23/10/09

AS CORES DO OUTONO

O cole estase enchendo das cores do outono (amarelos, laranxas, marróns...), pois temos un montón de cousas propias desta época, e na próxima semana coa celebración do Samaín, aínda se vai a poñer todo máis alaranxado, que bonito vai estar!
Pero xa nos estamos poñendo mans á obra coa decoración, e ademais contamos coa colaboración das familias que nos mandan moitas cousas, e todas preciosas, mirade!!

Con todas estas cousas que temos do outono no cole, ademáis de facer un decorado típico, traballaremos un montón de cousas:
vocabulario, as cores, texturas, sabores, lectoescritura, conteo, clasificacións, seriacións... e tamén nos servirán para facer o noso LIBRO DO OUTONO, ímolo facer entre tod@s, e vainos quedar chulísimo!
Por certo, estade atentos nestes días para ver a exposición das nosas CABAZAS DECORADAS!!!

VEMOS, TOCAMOS, ULIMOS...

Hoxe na asemblea, xa que temos un montón de cousas para investigar o corpo, estivemos falando do tema e poñendo en común as cousas que sabemos.
Que partes temos no corpo?
Para que nos serve?
Como o temos que coidar?
Cales son os nosos sentidos?
Para que serve cada un?
...
Así lembramos algunhas das cousas que estivemos traballando nestos días, e aprendimos outras cousiñas, par o cal... probamos cousas co noso corpo.
ULIMOS... coa CAIXA DOS OLORES, e aínda que a profe nos dixo de que era cada botelliña de esencia, practicamente todos pensamos que a botelliña de canela ule a coca-cola!
Tamén TOCAMOS... co XOGO DAS TEXTURAS, e descubrimos que hai cousas suaves, ásperas, lisas, rugosas...
E tamén vimos algunhas cousas para que nos serve o noso corpo: movernos, saltar, nadar, expresarnos...e tamén para relaxarnos, e así fixemos, xogando ás alfombras máxicas. Nós quedábamos tumbados boca arriba no chan, mentres soaba unha música, e estabamos tranquiliños, logo, as profes (Montse e Bea) ós que estabamos máis relaxad@s, nos levaban de viaxe nas alfombras máxicas (arrastrándonos a modiño polos pés). Ó final nos relaxamos tanto que tod@s conseguimos facer esa viaxe. Gustounos moito!!!
Pero antes de relaxarnos, estivemos xogando un pouco con música: bailabamos mentres soaba e cando a profe apagaba nos dicía como tiñamos que poñer o noso corpo (como xigantes, como ananiños, como canguros...).
Os maiores, despois, comezamos a facer as nosas páxinas para crear un libro-quebracabezas dos nosos nomes e corpos, cando o teñamos rematado xa vo-lo ensinamos, pero... aínda falta que fagamos os pequenos as nosas páxinas, eh!

21/10/09

CACAHUETES?????

Sí!!!!
Hoxe, coma onte, moitos trouxemos un montón de cousas para decorar ó cole do outono, e tamén moitos trouxemos materiais para poder investigar O CORPO, senón mirade cantas cousas temos xa no recuncho dos proxectos.
Algúns trouxemos as fotos de cando éramos pequeniñ@s e de agora, para ver como medramos, e tamén houbo quen trouxo RADIOGRAFÍAS, así que... hoxe tocounos falar un pouquiño sobre iso.
Que é unha radiografía? quen no-la fai? un médic@? que é o sae na imaxe? e claro, había que probar que fose certo todo iso de que debaixo da pel temos ósos, e que son duros, así que... aproveitando que as radiografías que tiñamos eran de xeonllos, miramos os nosos, e comprobamos a súa dureza!
Pero... vos acordades que ó principio dixemos cacahuetes, pois sí, hoxe o avó de Adán nos mandou un tesouro que atopou no campo (non sei se quedamos máis abraiados nós ou a profe!) era unha pranta de cacahuetes, e estos froitos nacen nas raíces (como as patacas).
Mirámolos, ulímolos, e probámolos (pero estaban moi verdes, e non nos gustaron nada, claro, hai que deixalos secar)
Ah, se nos esquecía, dixo a profe que grazas a tod@s por colaborar traendo os materiais que pedíu e que calquera cousa que vos parece que nos pode ser de intererese, que a mandedes ó cole. Ademais a nós nos gusta moito ensinarlle os compañeir@s as cousas que traemos da casa!

Hoxe, como vos adiantaramos onte, comezamos a rexistrar o noso paso polos distintos recantos da clase, de momento só fixemos a experiencia con 3: construccións, quebracabezas e xogo simbólico. Pero logo iremos incorporando o rexistro nos 5 recunchos que hai, e mais no do ordenador (que ese o vai a controlar a profe). Mirade como rexistramos.
Cada día, pegamos un gomet dunha cor distinta, ó lado do noso nome, no panel de rexistro. E se hoxe fomos ós quebracabezas, mañá non poderemos pois xa teremos a pegatina do día anterior. Ó longo da semana temos que pegar 5 gomets de distintas cores, e cada un nun panel distinto, o que quererá dicir que cada día xogamos nun, e así non somos sempre os mesmos os que estamos na cociña, nin na biblioteca...
Hoxe como o día non estivo moi bó (e senón mirade o que se veía pola nosa fiestra)...
Tivemos que quedar dentro da clase na hora de patio, e alí puidemos xogar libremente con tódolos materiais, eso sí, cumprindo as normas! e descubrimos que tamén é moi divertido escribir no encerado con xices!!
Tamén atopamos un material que andaba algo agochado na clase, e que é moi divertido: a carpinteiría.
Xa sabedes se queredes que vos fagan algún moble para a vosa casa, non o dubidedes, Kevin e Adán S.A, están plenamente preparados: calidade e rapidez, e ata fan orzamentos sen compromiso!
E despois do recreo, aproveitamos para ver todo o material que trouxemos do outono, clasificámolo (millo, follas, piñas, castañas...) e comezamos a utilizar as follas para facer un mural na entrada do cole. Non nos deu tempo a rematalo, así que só podedes ver un adianto, xa vos iremos ensinando como queda, vale?
 
poemas de amor