COUSAS DE PEQUES

DON MIEDO, DOÑA OSCURA Y MAGA SOMBRA

2012-02-12T08:50:00.004+01:00

O venres, a última hora, tivemos a visita de Dani (que xa estivo no cole o curso pasado facendo as súas prácticas de Maxisterio Musical). Aproveitamos a "Hora de Ler" e tendémoslle unha pequena trampa, pedíndolle que nos contara un conto. Non o dubidou un segundo, e así foi como nós coñecemos a historia de "Don Miedo, Doña Oscura y Maga Sombra".

Cada vez nos gusta máis escoitar contos, e estamos moi pero que moi atent@s!!!!

NOVAS DE MARCI

2012-02-11T09:48:00.000+01:00

Pois despois de moito falar, e ter dúas posibles respostas: polo Norte ou Polo Sur, cremos que está no Polo Norte.
Así que agora... tocaranos investigar un pouquiño sobre ese lugar tan frío do noso planeta, e tentar axudarlle a Marci a sair de alí, cara Ortigueira, pero... co despistado que é... a ver a onde chega!!!

CARTAS CON MENSAXES SECRETOS

2012-02-11T09:30:00.002+01:00

Estes días faltaron moitos nenos e nenas, algúns, semanas enteiras... iso deu lugar a preguntas como... "Noah se fue otra vez a Alemania, profe?", "Jimena, ¿ya no va a volver al cole?... así que tocou falar das enfermidades, e como non de que botabamos de menos a eses nenos e nenas que non viñan ao cole, así que... poderiamoslles escribir unhas mensaxes de que queremos que volvan ao cole, que se curen pronto... a idea inicial gustoulles tanto, que comezaron a escribir mensaxes a compañeiros que non estaban na clase, a outros que sí estaban... en definitiva, houbo mensaxes secretos para todos!Pero... para que fosen secretos e só os puidera ver (ou alomenos de primeir@s) os destinatarios, había que facerlles un sobre, así que, piuxémonos mans á obra, e creamos con folios de cores os sobres, puxemos o remitente, o remite, e gadámolos nunha caixa.Haberá que ilos abrindo e lendo pouco a pouco, a proveitaremos para facelo nas asembleas.

Que vos parecen?

MÁIS FAMILIAS ANIMADAS A CONTAR CONTOS

2012-02-11T09:23:00.002+01:00

O certo é que a experiencia das "Familias contacontos" está sendo todo un éxito.Moitísimas grazas a tod@s por participar!!Aquí podedes ver o contacontos desta semana, a cargo de Mariluz e Lucía (nai e irmá de Luís)que nos contaron 2 contos, e ata no-los deixaron quedar uns días na clase para velos con calma.

O momento de máis acción, coma sempre, a entrega dos diplomas!!!

DEBUXANDO O DESERTO

2012-02-11T09:14:00.000+01:00

Como xa sabedes Marci estivo no deserto, e nós imaxinamos como sería: que animais había, que prantas... comprobamos datos mirando en libros, en internet... e logo plasmámolo no papel.
Aquí podedes ver como son para nós os desertos:

TRABALLANDO CON TEXTOS: AS ADIVIÑAS

2012-02-11T09:02:00.001+01:00

Xa vos adiantaramos que estas semanas estivemos traballando moito con adiviñas: inventamos adiviñas, solucionámolas, pictografamolas...Aquí podedes ver un resumo do dossier que fixemos:

Como nos gustan moito as adiviñas, un día, xogamos a inventalas a partir de xoguetes do noso super. Collimos uns cantos, e entre todos decidimos de cales queriamos facer a adiviña. Os escollidos foron: as patacas, as uvas e a tarta.

OS NOSOS INVENTARIOS REMATADOS

2012-02-06T18:40:00.000+01:00

Os venres, adicámonos de xeito máis específico ao mundo matemático(aínda que sempre traballamos tódalas áreas globalizadamente).Estes días atrais estivemos cos xogos de dados, chapas... e tamén facendo inventarios (nos que non só traballamos o conteo de cousas, e a súa numeración, senón tamén a lectoescritura, o coñecemento do contorno...).Agora xa rematamos os nosos inventarios (nos que traballamos con cousas da casa, da nosa clase, das aulas de infantil, do patio...) e moi pronto comezaremos a traballar con algo, co que traballan os piratas!!! sabedes que pode ser?Mirade como traballamos en facer as portadas aos nosos inventarios!!!

Quedaron moi chulis!!

Grampamos tódalas follas, puxemos a porta e a contraportada e os nosos inventarios xa están listos!!!

ACTUALIZACIÓN DAS VISITAS DAS FAMILIAS CONTACONTOS

2012-02-06T18:29:00.000+01:00

Non me esquecín de subir as fotos, eh, pero tiven problemas para descargar as fotos, así que... aínda que algo tarde, aquí vos deixo a actualización das visitas das familias contacontos que fomos recibindo ao longo deste mes, e que non aparecían por aquí.A primeira que estreou o ano foi Ana, a nai de Gonzalo:

Un grande aplauso para tod@s el@s!!!!

Por suposto, poden repetir cando queiran, e os que aínda non vos animáchedes... a que estades esperando?

INVENTAMOS ADIVIÑAS

2012-02-06T17:59:00.001+01:00

Este mes estivemos traballando uns textos particulares, as adiviñas, fixemos moitas, e de diferentes xeitos: escribímolas, debuxamos as respostas, fixemos pictogramas... pero ademais inventamos as nosas propias adiviñas.Neste caso, ensinámosvos unha tarefa, na que debiamos escoller un dos personaxes que reflictimos na ficha, e inventar unha adiviña con el.

Asi que...a profe debuxou (como puido, jeje) os personaxes, e logo fixemos unha votación.Gañou o pirata, así que, entre todos inventamos unha adiviña con ese personaxe.

Outro día, despois de facer o pictograma da adiviña, vestímonos de piratas (cuns panos que tiñamos no recanto dos disfraces, pintámonos uns parches nos ollos...) e ata fixemos os nosos propios loros.

Así, quedaron as nosas adiviñas, que convertemos en pictogramas.

Despois, fomos ás outras clases a representar a nosa adiviña, e... todos acertaron!!!mirade que ben o fixemos!!! Neste video estabamos ensaiando...

Que vos pareceu?

30 DE XANEIRO: DÍA DA PAZ

2012-02-06T08:20:00.002+01:00

O pasado 30 de xaneiro foi o día da Paz, e no cole, fíxose unha actividade fóra, na que os maiores leron poesías, escribiron co seu corpo a palabra PAZ, cantamos todos unha canción, e ademais vimos a solta dunhas pombas.Pero para asistir a tal evento, primeiro fixemos os nosos banderíns da paz.A ver que vos parecen!

A onde irían as pombiñas? Irían ao Deserto do Sahara en busca de Marci?

OS PEQUECONTACONTOS

2012-02-03T17:01:00.000+01:00

Outras dúas peques xa foron protagonistas no "trono contacontos" e fixérono, moi, pero que moi ben. Mirade!!!

Tamén, Dani e María e pasaron polo trono e amosáronnos o moito que lles gusta, non só escoitar, senón tamén, contar contos aos demais.

MATE-XOGOS

2012-01-30T08:43:00.000+01:00

Xa vos dixemos que o noso recanto de lóxica ía cambiar moitísimo ao longo deste trimestre, así como tamén as actividades que iamos realizar para aprender de preto como funciona o mundo dos números, e polo tanto, como funcionan as "matemáticas".Algúns dos materiais novos que temos xa os vichedes noutras ocasións (lotería, tickets,dados, chapas, tapóns... por certo, moitas grazas pola vosa colaboración). Son moitas as posiblidades que temos de traballar a lóxica matemática con estes materiais, e ata coa súa mestura, senón... mirade o xogo que nos inventamos.

(Temos un vídeo pero non no-lo deixa subir)

Así que... vo-lo resumimos:

- Tódolos nen@s menos 4 (axudantes) tiñan un cubilete e un dado.

- Todos á vez tiran o seu dado.

- Din o número que lles saiu e os axudantes vanlles poñendo os puntos correspondentes (chapas, segundo o número que sacaron).

- Faise o mesmo en 3 ou 4 tiradas.

- Hipótesis: quen credes que ten máis? quen ten menos? quen ten igual?...

- Cada un conta os seus puntos (número de chapas conseguidas) e escribe o número nunha tarxetiña.

- Finalmente observamos se as nosas hipótesis eran ou non correctas.

Víchedes que sinxelo é traballar cos números de xeito lúdico. Cada día, no recuncho, inventan máis e máis xogos, e na asamblea, a profe tamén aproveita para ensinarlle as súas invencións, jeje.
Non só se traballa o conteo, senón as actividades de correlación (número-cantidade), ordenación (1ª tirada, 2ª tirada...) todas elas encamiñadas a que os peques adquiran a noción de número con significatividade.

Xogamos colaborando... repartindo tarefas...

Comparando e facendo as propias primeiras hipótesis: quen ten máis, quen ten igual, quen gañará...

Creamos unha nova linguaxe visual de correspondencia numérica e de cantidade, sen que aparezcan propiamente os números.

FACENDO INVENTARIOS

2012-01-30T08:00:00.000+01:00

Levamos uns días traballando cos "inventarios", sí, sí, cos inventarios. Estamos inventariando: cousas que temos na clase, na casa, nenos e nenas que hai nas diferentes aulas, cousas que hai no patio...Así que para facer certos inventarios, temos que sair da nosa aula e pescudar.Así por exemplo, o venres fomos polas clases, tentando averiguar cantos nenos e nenas había nas clases, sen que nos dixeran os profes o número. E... que fixemos? ir aos paneis da asemblea (casiña e escola) e contar os que había en total.Así foi como descubrimos todas as cousas que estamos inventariando, CONTANDO.

Non nos criades, verdade? Pois xa vedes que sí, sabemos facer inventarios.

NOTICIAS DE MARCI

2012-01-22T22:30:00.002+01:00

O outro día, cando entramos na clase, Luís e Ainara atoparon unha carta con forma de avión que enviara Marci.O primeiro que fixemos foi lela, e descubrimos onde se atopa agora,(que xa finalmente aterrou na Terra).Queredes saber onde? Lede atentamente a carta.

A partir dela, falamos (longo e tendido, coma sempre)e despois de buscar no globo terráqueo onde estaba situado o mapa que aparecía na carta, e ver si estaba preto ou lonxe de nós... plasmasmos algúns datos en papel.

A DATA: en que día do ano nos atopamos?

2012-01-22T22:21:00.002+01:00

Dende moi pequeniños estamos acostumados a falar da data, sobre todo na escola, que dende os 3 anos, a partir das tarefas dos encargad@s, día a día se fan referencia a aspectos como o tempo que vai, o día da semana no que estamos, o mes, o día (numérico), etc.Pero, aínda así, non por moito repetilo os nen@s teñen claro ao mesmo tempo que día é no que están, cal vai despois do luns, cal vai antes do sábado... pois todo iso, esixe un longo proceso de carácter madurativo, e non se consigue por repetición.

Agora aumentamos ás nosas tarefas a escritura da data, que facemos oralmente, entre todos, e escribe o encargad@ de cada día.A razón, é que agora incorporamos a actividade de inserir a data nos nosos traballos escritos, porque estamos vendo a importancia dos números, e fixemos unhas valoracións de paraa que serven, onde os hai... (de aí que estemos dándolle moito peso ao traballo con materiais numéricos ultimamente) e unha das cousas que dixeron é que os números están nos calendarios, e polo tanto, nas datas.Tentaremos ter en conta esas datas, dándolle importancia aos aspectos máis relevantes, por exemplo: os cumpreanos, as visitas dos contacontos... e ímolos reflictindo na clase.

CARTELEANDO

2012-01-22T22:09:00.001+01:00

No primeiro trimestre fixemos carterlerías numéricas para ordear os materiais no recanto de matemáticas, por exemplo. Agora, estamos vendo os carteis e etiquetas como textos con uso social.Así, estamos aproveitando a poñer a cartelería de de todas aquelas cousas que nos parece pode ser importante marcar, e así... que calquera persoa que chega á nosa clase, saiba onde pode coller cada cousa, que contén cada caixa, etc.Carteleando, car, carteleando...

A que con tanto carteliño está claro que hai en cada sitio? Pouco a poco... iremos "lendo" de xeito moi natural cada cousiña. Xa o veredes!

FAMILIAS CONTACONTOS

2012-01-22T22:02:00.001+01:00

Esta vez tocoulle a Simone ser a contadora de contos, e así de boquiabertos quedaron os peques coa súa historia de maxia.

XOGAMOS AO BINGO!!!

2012-01-16T16:29:00.002+01:00

Hoxe, moitos compis deberon estar enfermiños pois só viñemos 7 ao cole.
Nós aproveitamos como cada luns o tempo para ir facendo o noso diario da fin de semana, e tamén aproveitamos a xogar en grupo cun novo xogo que a partir de hoxe estará no recanto matemático: o bingo.Pois sí, hoxe repatimos cartóns, xiramos o bombo, sacamos as bolas, e "lendo os números" (sabendo cal ía primeiro, cal despois...) iamos cumplimentando o noso cartón.Logo miramos cantos números premiados tiñamos cada un, e por último o plasmamos no papel (cada un os seus acertos particulares).Pasámolo moi ben, e agora, cando vaiamos ao recanto matemático xa temos un novo xogo co que aprender un montón de cousas, sobre todo... números!!!!

ARTE EN TODAS PARTES, ATA NAS MANS

2012-01-15T08:56:00.002+01:00

Estaba buscando outra cousa, e topeime con estas obras de arte de "pintura nas mans".Seguro que aos peques lles encantan, así que... seguro. seguro que faremos algún xogo con estas imaxes tan artísticas, e por suposto... "xogaremos a pensar" con elas.

SADEBES ONDE ESTÁ MARCI?

2012-01-15T08:21:00.002+01:00

Nós sí porque nos enviou unha carta, dicíndonos que está na Lúa. Pero... pídenos axuda pois dende alí ve a Terra, e quere vir, pero non sabe que será iso axul que ve dende arriba. Poderá aterrar aquí? Onde? Temos que dicirlle se é ou non posible que veña.Mirade a súa carta, aprendimos cousiñas con ela.

Vós que credes? Poderá aterrar nalgún sitio? No mar? No patio? No monte? Onde...?

VOLTAN AS FAMILIAS CONTACONTOS

2012-01-14T22:43:00.002+01:00

E esta vez tocoulle a Ana, a nai de Gonzalo, inaugurar a sección deste novo ano.

E a falta de un, contounos dous contos, pois insistiron en que contara o que seguía (xa que era un libro con varios contos).
Proximamente actuará como contacontos na clase de Fran (o irmá de Gonzalo), esperemos que lle quedara bó sabor de boca da súa actuación na nosa clase.
Nós encantad@s de ter animacións á lectura "tan familiares". É un pracer contar coa vosa colaboración, e como podedes observar (os que participachedes xa) os nen@s quedan encantad@s coas vosas actuacións, e están moi atent@s (e iso que é a última hora e as tripas empezan a rebulir, jeje).

A NOSA PEGADA: APRENDEMOS A ASINAR

2012-01-14T22:13:00.001+01:00

Estamos acostumados a escribir o noso nome tódolos días (cando facemos as fichas, cando somos encargados e o poñemos debaixo da nosa foto, cando facemos algún agasaio de cumpreanos...). Pero agora xa sabemos personalizar aínda máis os nosos nomes, facendo a nosa sinatura (que temos claro que é a escritura do noso nome e un garabato por riba). Pero sabemos que hai xente que non sabe escribir o seu nome (sobre todo moi maiores) e asinan coa súa pegada dixital. Así que... aproveitamos e fixemos as dúas modalidades.Mirade:

Aquí podedes ver algunas das que fixemos. Xa iremos mellorando a técnica, pois cando asinemos os diplomas contacontos, os agasaios dos cumpreanos... xa iremos practicando.

ACHEGAMENTO MATEMÁTICO!!!!

2012-01-14T21:30:00.001+01:00

Así, con este material tan cotiá como son as tapas das botellas, estamos achegándonos ao concepto de número: clasificando, seriando, sumando, comparando...E tamén estamos utilizando etiquetas da roupa para achegarnos ao mundo dos números. Nelas hai números pero que significan cousas diferentes: pode ser o prezo, a talla, unha referencia, o código de barras... Xa sabemos que estos últimos son os culpables dos piiiii á hora de facer a compra e que os caixeir@s nos pasen os produtos pola caixa.Xogamos a buscar códigos de barras!!!!

Así aprendemos o valor dos números en cada situación, e nos achegamos a eles dun xeito máis motivador.

Neste trimestre imos incorporar moitos materiais novos aos nosos recunchos, sobre todo ao dos oficios (xogo simbólico) e ao matemático.

Así, agora no supermercado temos máis cartos para poder xogar a facer compras, temos carteis cos prezos, temos tickets...

E no de matemáticas, ademais do novo material que xa vimos temos xogos como: barallas (coas que xa xogamos e coñecemos as súas cartas, o seu valor, e fixemos clasificacións por paus, e tamén ordenacións ascendentes...) e logo traballar sobre o papel.

E tamén xogos de dados (cos que estamos identificando os número co valor que neles se indica a través dos puntiños (fixemos sumas, anotamos as nosas tiradas...)

Imolo pasar xenial adentrándonos no mundo matemático, seguídenos!!!

ANTES DE DARLLE VACACIÓNS AO BLOGUE...

2011-12-25T00:33:00.003+01:00

Voltamos o día 9!!!!! Pasadeo moi ben!!!!

O MULTICUMPREANOS DE DECEMBRO

2011-12-24T10:00:00.001+01:00

Foi ata o de agora o máis grande, pois foron 16 os cumpreañeiros, e só da nosa clase xa eran 5 deles: Dani, Jimena, Ainhoa, Julián e Marcos.
Mirade como facían de reis da festa coas súas coroas...

E para rematar... todos os cumpreañeiros, tras a súa coroación, sopraron xuntos a tarta!!!!!

E despois... fomos á festa, a comer biscoito, patacas... beber zumes... e pasalo moi, pero que mi ben.

POSTAIS DE NADAL ENVIADAS ENTRE COMPIS

2011-12-24T09:51:00.000+01:00

O luns, despois de falar con Papa Noel, aproveitamos de estar xa fora do cole, para achegarnos e correos. Alí, cada un lle enviou a postal de Nadal que fixera, ao compañeiro ou compañeira que lle tocara por sorteo.

Seguramente, xa chegaron todas as postais ao seu destinado, e xa estades felicitados, non?

VIDEOCONFERENCIA CON PAPA NOEL

2011-12-24T09:39:00.002+01:00

O luns 19 tivemos o pracer de asistir a unha videoconferencia en tempo real dende Laponia, con Papa Noel.Foi na aula CEMIT, en frente do cole.Alí fomos en dos quendas as clases de 3, 4 e 5 anos A; e despois nós cos compis das clases B.Alí estivemos falando con el cun micrófono, contándolle o bós que fomos, e o que lle pediamos. Non todos puidemos falar, porque eramos moitos, pero el xa tomou nota de todo, e grazas ás cartas, sabe que queremos cada un.

A ver se é certo e nos trae o que pedimos.

SEN LUZ E CHOVENDO A CÁNTAROS!!!

2011-12-23T22:59:00.001+01:00

Seguro que todos as familias, profes e peques vos acordades desta mañá na que parecía que o día non se prestaba o máis mínimo a sair da casa, chovendo auga a mares, verdade?Pois ese día estivemos ata preto das 12 sen luz, dende 10 minutos despois de entrar (o cal lle causou impresión, porque... parecía que a luz só se podía ir nas casas, non nos coles) e aínda que estivemos a escuras...

Pasámolo moi ben, e cando volvía berrábamos de alegría, pero ao momento xa se volvía a ir...

A chuvia e o vento, xunto coa luz foron os protagonistas desa mañá.

FREDERICK: UN CONTO MOI CHULI

2011-12-23T22:54:00.001+01:00

Un día limos o conto de Frederick, que nos encantou, e deunos pé a falar de moitas cousas: da importancia de colaborar nos grupos, de compartir, de que hai que traballar e axudar moito aos demais...Mirade como vemos nós a Frederick e á súa familia:

ANA E CARLOS FORON CONTACONTOS

2011-12-23T22:40:00.002+01:00

Pois sí, e fixerono moi pero que moi ben!!Ana atreveuse contándonos o conto de "Os tres porquiños" sen libro diante, e Carlos contounos un de Epi e Blas, que explicou con todo tipo de detalles.Mirádeos en plena faena:

Vichedes que atent@s están tod@s?

COUSIÑAS DESTE MES

2011-12-23T12:55:00.005+01:00

Por unhas cousas ou por outras, este mes foime imposible actualizar o blogue, pero hoxe vos farei un pequeno resumo do que fixemos neste mes con novas entradas.
Estade atent@s!!!

CALENDARIO DE DECEMBRO

2011-12-03T18:42:00.001+01:00

Como para o blogue da nosa biblio fixen un calendario cos protagonistas das novidades que temos na biblio este mes, aproveito para deixarvolo aquí por se a alguén lle interesa.

Espero que vos guste.

Son personaxes máis para os cursos de primaria, pero en nada os coñecerán posto que na biblio temos un montón de materiais sobre eles.

A VISITA DA FADA AZULINA

2011-12-03T16:28:00.001+01:00

O xoves tivemos a visita de Mate, a nai de Carlos,que veu a contarnos un conto (Epi y Blas quieren ser bomberos).
Ela traía un sombreiro máxico, de cor azul, e é que en realidade non era a nai de Carlos, era a fada Azulina. Ese foi o segredo que tiñamos con ela, e non lle podiamos contar a ninguén.
Así que... como as fadas non as pode ver todo o mundo, e o segredo foi con nós, só poderedes vernos a nós co seu sombreiro máxico, vale???
É que... senón deixaría de ser un segredo, e prometímosllo!!!
A ver que vos parece o seu sombreiro!!!!

E... atent@s se vedes pola rúa a alguén con un sombreiro así, non o dubidedes, é a Fada Azulina!!!!

Aquí tedes aos protagonistas do conto: EPI e BLAS:

E por si os queredes colorear, decorar... aquí vos deixo algunhas cousiñas:

OS CUMPREAÑEIROS DE NOVEMBRO

2011-11-29T22:14:00.000+01:00

Da nosa clase,foron: carlos e Lucía.
Aquí podedes ver como amosan orgullosos os seus 4 anos portando as súas coroas.

E aquí como merendabamos todos os biscoitos, patacas...

Mmmmm... estaban riquísimos!!!!

MÁS COUSIÑAS INTERESANTES PARA A ESTIMULACIÓN DA LINGUAXE

2011-11-28T16:43:00.000+01:00

Buscando, buscando... atopei algunhas cousiñas que nos poden servir tanto para traballar na clase coma nas casas. Aquí as deixo:
Para traballar con praxias...

O conto do vermiño...

ESTIMULACIÓN DA LINGUAXE

2011-11-26T16:17:00.000+01:00

Como sabedes, na nosa clase, facemos un programa de Estimulación da Linguaxe. Aquí vos deixamos un vídeo moi chuli co que podedes facer nas vosas casas exercicios, coa "lingua revoltosa".

CONCURSO DE NÚMEROS

2011-11-26T16:09:00.001+01:00

Ou tamén lle poderiamos chamar "Dictado numérico" pero para dar motivación, nós xogamos a participar nun concurso de números. Pouco a pouco xa nos imos familiarizando coa escritura das letras e dos números. E con este concurso traballamos tamén a importancia de colaborar e compartir, pois cada número que dicía o tiñan que escribir dunha cor diferente, e só tiñan un rotulador, así que tocaba TROCAR cos compañeiros, ata que cada un tivese outra cor.

Pasámolo moi ben, seguramente repetiremos a experiencia máis adiante e todos o faremos moi moi ben.

Probade na casa a facelo:
- Folio en branco
- Dicirlle números (apuntalos nun papel para non esquecerse de cales foron).
- Ao final, comprobar en cantos acertou a súa escritura.
(Tamén se poden facer concurso-dictados de: cores, letras, palabras, formas, nomes...)

OS CONTOS DE NURIA...

2011-11-26T16:00:00.000+01:00

O venres tivemos a segunda visita de familias contacontos, e repetimos, pois a outra vez viñera o pai de Ainara, e desta vez vez a súa nai. Esperamos tervos a todos por aquí pouco a pouco.
Aquí poderedes ver un resumo do ben que o pasamos, e tamén, como lle demos unha sorpresa, disfrazándonos todos. Cando ela chegou, todos estabamos no momento de lectura, pero... mirade de que guisa!!!

Así de ornamentados nos atopou Nuria a todos antes de comezar a súa magnífica función. Mirade:

O luns tocaralle a Icía e a Lucía ser as contacontos!!!

A ver que sorpresa nos traen.

Que contos nos contarán?

SOMOS XORNALISTAS: FACEMOS ENTREVISTAS

2011-11-22T20:23:00.000+01:00

No recanto dos sabi@s esta semana estamos facendo de xornalistas, entrevistando aos nosos compañeir@s.
Pegamos a súa foto na ficha resumo da entrevista, e logo collemos o "micrófono" para facerlle as preguntas que aparecen no papel. Unha vez que nos contestan pasamos a poñer as respostas.

Así queda recollido sobre o papel a información que nos deron os entrevistad@s...

Ao final, coñecemos un pouquiño máis dos nosos compis, ao tempo que traballamos a oralidade, a lectoescritura...
Quen se atreve a facer unha entrevista?

OBRADOIRO DE ESTIMULACÍÓN DA LINGUAXE

2011-11-22T20:18:00.001+01:00

Onte fixemos o obradoiro de estimulación da linguaxe, e tocou facer unha "autopista espacial". Nela, os coches tamén eran especiais (bolas de papel, e máis tarde plumiñas) porque funcionaban cun combustible moi raro: o aire.

Así, por parellas, xogamos a soplar facendo carreiras cos nosos coches ata chegar á meta.
Pasámolo moi ben!!! Podedes probar na casa, é moi divertido!!!

A ASEMBLEA DA TEA DE ARAÑA

2011-11-19T19:36:00.000+01:00

Xa había moito tempo que non faciamos a asemblea da tea de araña, e esta semana tocou lembrala. Temos que ir falando segundo os compañeir@s nos mandan o "ovillo" de lá. Despois, ao tempo que falamos, imos enganchando o noso dedo con lá para que non se desfaga a tea de araña cando lla pasemos aos compis.
O xogo consiste en estar moi, moi atent@s, pois ao final para desfacer a tea, temos que dicir o que dixo o compañeir@ anterior.

Mentres esperan a que lles manden a lá para poder ter a quenda de palabra, todos están moi atent@s.

SEGUIMOS A TRABALLAR CO NOSO CONTO

2011-11-19T19:30:00.000+01:00

"A que sabe a lúa?" e facendo moitas cousiñas con él. Algunhas xa as puidechedes ver no material que adxuntamos a semana pasada:

Fichas de lectoescritura e lóxica-matemática...

Xogo de memoria cos personaxes e os seus nomes...

Ao final cada un gardou as súas tarxetas nun sobreciño, para telas ben gardadas e que non se perdan, e poderán xogar co "memory" en calquera momento.

E tamén fixemos as nosas propias portadas do conto, poñendo tódolos personaxes, tendo que debuxalos un enriba doutro na orde que o fixeron no conto.

Así de chulis nos quedaron:

Gustáronvos?

FACEMOS PULSEIRAS PERSONALIZADAS COS NOSOS NOMES

2011-11-19T19:13:00.002+01:00

Unha das cousas que máis nos gustou do que fixemos ao longo da semana, foi escribir con "contas", unhas contas cadradas con letras, que nos permiten xogar a compoñer nomes, escribir palabras e frases, facer series... todo o que se nos ocorra!!! Pero o primeiro día que estreamos o material, como non, quixemos facer unhas pulseiras e levalas para a nosa clase.
Este era o material (por certo, utilizamos medias gomas de cartafois vellos para meter as contas, e que non se escaparan... logo cambiamolas para outra goma para levalas pulseiras para a casa, así podemos seguir utilizando as outras para "xogar a escribir").

Así xogamos a buscar as letras dos nosos nomes...

A QUE SABE A LÚA?

2011-11-14T17:00:00.003+01:00

Coñecedes este conto? Nós sí, e o venres despois de que a profe o contara na clase, decidimos que iamos preparar algo para irllo contar aos nosos compis das outras clases.

Hoxe estivemos preparando os personaxes (que pintamos con ceras brandas e logo difuminamos con algodón), logo montámolos todos nunhas cartolinas traballando concepto como: primeiro, segundo, terceiro... ata oitavo, pois foron 8 os animais que colaboraron para chegar á lúa e así descubrir a que sabía.

Tamén falamos sobre os animais, recordamos que a lúa é o noso satélite... en fin un montón de cousas!
Agora só nos queda preparar un par de cousiñas e dentro de nada xa estaremos "actuando" contándollo aos nosos veciños de corredor. Esperemos que lles guste!!!
Aquí vos deixamos un XOGO DE MEMORIA sobre o conto:

E unhas fichiñas por se queredes traballar tamén con este conto e vos serven, vale?

PABLO E GONZALO: OS PEQUECONTACONTOS DE HOXE

2011-11-14T16:43:00.000+01:00

O venres levaron o seu carné, e hoxe fixeron a súa grande actuación coma contacontos. Gonzalo contounos a historia da "Bella Durmiente" e Pablo unha simpática historia de "Inés al revés".
Os dous o fixeron moi, moi ben, e todos estivemos atentísimos!!!!

Agora a dúbida é a quen lle tocará ser contacontos o próximo luns, porque todos se apuntan voluntari@s!

FAMILIAS CONTACONTOS

2011-11-10T16:44:00.000+01:00

Hoxe estreamos a sección das "FAMILIAS CONTACONTOS" na HORA DE LER.
Foi co conto "OS TRES PORQUIÑOS" que nos contou estupendamente Ignacio, o papá de Ainara.
Quedaron todos boquiabertos!!! e se non me credes mirade as imaxes!!!

Por suposto, como podedes ver, non podía faltar un pequeno e merecidísimo agasaio de parte dos peques, que tanto agradecen estas actividades. Así que xa temos outro CONTADOR DE CONTOS OFICIAL!!!

Moitísimas grazas pola vosa colaboración!

UN MUSEO PARA AS NOSAS EXPOSICIÓNS

2011-11-09T08:16:00.000+01:00

Na clase fixemos un espazo para amosar as nosas exposicións. Comezamos cunha primeira de debuxos libres que está quedando chulísima.
Despois teremos que completala poñéndolles un número a cada obra, o título dos cadros...

Canto colorido! verdade?

HORA DE LER

2011-11-09T08:10:00.000+01:00

Neste momento de lectura, ao principio nos costaba moito centrarnos en coller só un libro para ler e andabamos sempre paseando a coller 1, 2, 3... pero xa estamos aprendendo a dinámica, e gústanos moito.
Cada un colle un conto e o "le", algúns o facemos en alto, outros en baxo, outros miramos os debuxos, outros descubrimos que hai un montón de letras no conto e que algunhas son as do noso nome, ou dalgún coñecido (familiares, compañeir@s...). Pero o caso é que pouco a pouco temos máis gañas de ir á biblioteca a coller contos, e cada vez gozamos máis das lecturas que nos fan os compañeiros e nós lles queremos facer a eles (lectura por parellas, pequecontacontos...). e seguimos a nosa rutina:

Indo ordeadamente a coller os contos (que depois tamén en orde deixaremos ban colocadiños segundo a súa cor)

Collendo o noso conto e sentándonos na asemblea para lelo.

Centrándonos, segundo os nosos intereses, en lelo (en alto, baixo, mirar os debuxos...)

Ou, en moitas ocasións, facendo lecturas en parellas.

DIVERSIÓN NOS RECUNCHOS

2011-11-09T07:58:00.002+01:00

Cada semana temos nos recunchos unhas actividades diferentes, pero hai algúns (soen ser 2cada semana) que os deixamos con máis liberdade de xogo. Aínda así, unha vez rematadas as tarefas programadas, o tempor restante e de xogo libre, sempre en cada recuncho.
Esta semana, no recuncho dos sabios estamos xogando con letras a esribir palabras. os peques din unha palabra e buscan as letras que creen que ten esa palabra. Despois a profe repite a palabra marcando ven as sílabas e dentro destas os fonemas, e así vánse dando conta dalgunhas letras das que se esqueceran. Ao final buscan todas as letras da palabra elixida, e posteriormente debuxarán dita palabra. Este equipo quixo facer a mesma palabra, así que os traballos son moi similares (pois ademais se copiaron bastante para debuxar). pero ao longo da semana nos iremos xuntando con diversas palabras e debuxos (que temos expostos no noso tendal da clase) e que serán cada un diferente, segundo o interés de cada un por facer a súa propia palabra. Cales escollerán hoxe?

Xa podedes ver cal foi a palabra escollida!!
No recuncho dos oficios unha das cousas que máis lles gusta e "ir de compras" e disfrazarse con todo o que teñen: bolsos, gafas, perrucas, velos, capas... todo vale!!!

... Isto sí que é pasalo ben!!!!
No das matemáticas estamos xogando cos nosos propios xogos elaborados: xogos de facer series, tangrams...

LEMBRANDO OS SATÉLITES DOS PLANETAS

2011-11-09T07:51:00.000+01:00

Como é algo que nos gustou moito, iso de saber cantas "lúas" ten cada planeta (bueno, algúns non teñen ningunha), quixemos plasmalo no papel, xa que no noso mural da clase xa o traballlamos. Así, de paso fomos "lendo" os nomes dos planetas, fomos vendo as súas cores, e traballamos cos números (como vos dixeramos: Xúpiter ten 60 lúas, Saturno 31, Marte 2, Neptuno 11...) así que foi un traballo moi completo.

Para ir facendo a ficha íamos ao noso mural a buscar os planetas (lendo, fixándonos nas primeiras letras...) e despois comprobábamos as súas cores, e o número de satélites, para poder plasmalo na ficha.

ESQUECEÚSENOS CONTARVOS QUE...

2011-11-08T21:21:00.003+01:00

O luns quedounos outra nota de Marci, onde nos dicía que estivera de viaxe espacial e que fora a un planeta onde facía moito moito calor e a outro onde facía moitísimo frío. El non sabía os nomes, pero sí lles sacara fotos así que nos pedía axuda para pescudar entre todos cales foran os planetas que visitou.
Rapidamente, ao ver as fotos dos planetas e comprobar coas imaxes de internet e dos libros que tenemos no noso cortizo dos planetas, vimos que planetas eran. Tratábase de Venus e Neptuno!!!! seguiremos investigando sobre as temperaturas nos distintos planetas. Xa vos iremos contando!!!

PEQUECONTACONTOS

2011-11-07T16:08:00.003+01:00

Como sabedes, na HORA DE LER, en Educación Infantil, no noso cole, imos traballar ao longo da semana de diferentes formas. Trátase de asegurar un mínimo diario de 20-25 minutos de lectura, e nós distribuimolos diariamente a distintas formas de ler e achegarnos á lectura. Así, haberá días nos que faremos lectura libre na nosa biblioteca de aula (libros informativos, contos, revistas...), outro día faremos lectura por parellas, outro día virá algún familiar dos peques a contar un conto... e os luns teremos PEQUECONTACONTOS!!!!
Que isto que e? Pois son os propios peques os que contan contos aos compañeiros.
Hoxe comezamos con Ainara e Luís, que previamente, o venres, levaron á casa un carné e unha nota informativa da actividade. Consiste en que na fin de semana, cando lle toque de levar o carné, a súa familia lle axude a preparar un conto para contarlle aos compis. Pode ser un conto da biblioteca, un conto da casa... ou mellor aínda, o seu conto favorito!!!!!
No momento de ler, poñeremoslle os colgantes contacontos que os identifican, e xun pouquiño de purpurina e un gorros ben grandes, xa estarán listos para contar as súas historias como verdadeir@s profesionais.
Como podedes ver, Ainara e Luís fixérono, moi, moi ben!!!
Ainara contounos o conto de Carapuchiña Vermella, sen traer o conto nin nada, de vida voz, e todos quedamos pasmad@s mirando para ela!!!
Despois Luís contou o seu de Pocoyó, pero como trouxera dous da súa casa para contarnos, no segundo Ainara foi a súa axudante. Era un libro de animais, do que Luís sabía perfectamente a historia!!!

Un aplauso para eles!!!

UN BUSCADOR DE ESTRELAS!!!

2011-11-03T21:17:00.003+01:00

Hoxe Mar, a profe de 5 anos, trouxo ao cole un "buscador de estrelas" e fomos véndoo pola clases. Tiña unha roda xiratoria, e poñendo o día e a hora podíamos ver que estrelas e constelacións había no ceo. Era chulísimo!!!

Despois aproveitamos a facer unha fichiña de repaso sobre as constelacións, e escribimos o nome de tres delas, e tamén contamos cantas estrelas a formaban: Osa Maior (17 estrelas), constelación do dragón (19 estrelas) e Orion (18 estrelas).
Cando rematamos, e antes de que viñera a profe de inglés, aproveitamos a pegar as nosas fotos nos foguetes espaciais que fixeramos outro día, quedaron chulísimos!!! (agora dame problemas para subir a foto, intentareino más tarde).

OS CADROS QUE FIXEMOS

2011-10-30T20:31:00.000+01:00

No recanto dos artistas, como xa vos dixemos, son de soles, martes, lúas... bueno, todo iso é o que nós pensamos que son, porque en realidade son representacions feitas a partir da obra "Vuelo de Pájaros" de Joan Miró.
Mirade algúns dos que fixemos...

Que vos parecen? Nada que envexar ao do propio artista verdade?

CONTANDO FABIÑAS = CONTANDO LÚAS

2011-10-30T16:46:00.001+01:00

Seguimos aprendendo cousiñas e traballando sobre o noso mural. Como sabedes estivemos falando dos satélites de cada planeta e puxémoslle o número, pero... se Xúpiter ten 60, Marte 2, e Neptuno 11... Quen ten máis? Canto será 60? Todos tiñan claro que 60 era máis, porque dicían que 60 eran moitísimas, pero non sabiamos se 22 eran máis ou menos que 31.

Entón, puxémonos a contar fabiñas, porque lúas non tiñamos, e despois metemos a cantidade correspondente a cada planeta nun sobre transparente. Así, dende fora xa sabemos cal é o que ten máis, que a Terra é a que ten menos...

AS ESTRELAS E AS CONSTELACIÓNS

2011-10-27T16:35:00.000+02:00

Hoxe estivemos falando longo e tendido sobre as estrelas, e como non, sempre facendo fincapé nalgo que xa sabiamos de días anteriores: "O Sol é unha estrela".
Despois de ver diferentes tipos de estrelas nos libros, démonos conta de que hai moitos xeitos de debuxar estrelas, e tamén de facelas con outros materiais, así que... puxémonos a traballar e convertémonos en "Debuxantes e escultores de estrelas".

E como podedes ver... non hai dúas iguais!!!!

Tamén falamos sobre as constelacións, que son agrupacións de estrelas que forman figuras. Hai moitísimas, pero nós falamos das máis coñecidas, de momento, pois aparecían nun dos libros que temos para investigar. Vimos como era Orion, a Osa Maior, o Carro, o Dragón...

E vimos como cada estrela ten un nome. E hai un montón!!!!
Seguiremos investigando e a ver con que nos atopamos.

ALGÚNS PLANETAS TEÑEN LÚAS

2011-10-27T16:22:00.002+02:00

Ao longo desta semana estivemos montando un mural, no que aínda nos faltan de poñer un montón de cousas, seguramente, pero a medida que imos investigando cousiñas as imos plasmar nel.
No mural aparece, como non, Marci que está enriba do seu planeta (Marte). Os planetas colocámolos por orde dende Mercurio, que é o que está máis pretiño do Sol.
Despois de pintalos, e pegalos, escribimos os seus nomes, distinguimos o Sol dos planetas, porque éste é unha estrela. E tamén descubrimos que os planetas teñen satélites. A terra ten un, a Lúa, pero hai outros que teñen moitísimas lúas.
Por exemplo: Saturno ten 31, Xúpiter ten 60, Urano ten 22, Neptuno 11, e Marte 2.

Á nosa Lúa os gregos chamábanlle Selene, e por exemplo, as lúas de Marte chámanse Fobos (medo) e Deimos (terror).

OS DÍAS DA SEMANA E A ORIXE DOS SEUS NOMES

2011-10-26T22:56:00.001+02:00

Unha das cousas que aprendimos esta semana é a que se debe o nome dos días da semana, e así, agora cada día o relacionamos cos planetas, o noso satélite ou coa estrela máis luminosa.
Se premedes neste ENLACE poderedes ler datos moito máis precisos sobre a orixe dos nomes, tanto dos días da semana como dos meses do ano.
Aínda así, ímosvos lembrar aquí, con que se relaciona cada día, e así ninguén se sorprenderá se chega un neno/a á casa dicindo que "hoxe é o día de Mercurio", e non se refire a que os "mercurios" estén de santo, claro.

Agora, temos debaixo dos días da semana o planeta, satélite ou estrela que corresponde, e uns carteliños cos seus nomes. Así pouco a pouco imos relacionando tódalas cousiñas que estamos a aprender con Marci e as súas aventuras.

MIRÓ NO RECANTO DE PLÁSTICA

2011-10-26T18:33:00.000+02:00

Esta semana no recanto de plástica xa non xogamos a facer arte con Arcimbolo e as follas do outono, senón que estamos a traballar con Miró.
E... sabedes unha cousa? cada un de nós está facendo unha recreación persoal do seu cadro "Vuelo de pájaros", aínda que nós lle cambiamos o título pois cremos que é "A LÚA, MARTE,ESTRELAS E O SOL".

Vós que vedes?
Xa vos ensinaremos o chulis que nos están quedando as obras.

UN CONTO ESPACIAL MOI, MOI DIVERTIDO!!!!

2011-10-26T18:29:00.001+02:00

O luns Pablo trouxonos un CONTO moi moi ESPACIAL E ESPECIAL!!! Sí, as dúas cousas:
- Espacial: porque falaba de planetas, cohetes, naves... e cousiñas do espacio, en xeral.
- Especial: porque os protagonistas do conto eramos os 15 nen@s e a profe da nosa clase. Sí, eramos nós.
Cando Pablo nos ensinou o conto ninguén sospeitou nada sobre a sorpresa que traía dentro, pero cando comezamos a lelo e escoitabamos que nun cohete ían Pablo e Luís... xa nos daba a risa (que ben o pasaron mentres o lía)e despois íanse engadindo máis e máis nen@s, e cada vez lles facía máis gracia.

Familias: moitas grazas pola vosa colaboración!!!! Xa sabedes que podedes seguir mandándonos cousiñas porque investigaremos moitísimo sobre o espacio, e quen sabe ata onde chegaremos coas nosas pesquisas!
Se picades na imaxe podedes ver como construir un sinxelo cohete con material de refugallo:

Quen se atreve a facer o seu?
Podedes facer un móbil de planetas para decorar na vosa habitación, por exemplo. Premede AQUÍ, e veredes como facer un, ou AQUÍ se queredes facer outro modelo. Ou AQUÍ se preferides ver outro modelo. Cal vos gusta máis? Como vedes, hai para tódolos gustos.

Con este tempo de chuvia, seguro que nos ven ben ter cousiñas para entreter aos peques, así que... mans á obra!!!! Este tema so universo, ademais, encántalles!!!

E tamén vos podedes pasar por esta PÁXINA e colorear online.

FESTA CUMPREAÑEIRA DO MES DE OUTUBRO

2011-10-24T16:17:00.002+02:00

Hoxe, festexamos os cumpreanos de outubro, e éramos 10 nen@s e 1 profe. Na nosa clase estaba de cumpreanos Ainara (que xa ten 4 aniños!) e...Adiviñades que profe sería a cumpreañeira deste mes? Dámosvos unha pista:

E, por suposto, despois da coroación dos cumpreañeir@s, cantar a canción, entregarlle os seus pergaminos... festexámolo cunha grande festa, onde había zumes, biscoitos, patacas fritas... Mirade que ben merendamos!!!

PARA INFORMARNOS MÁIS SOBRE O SISTEMA SOLAR

2011-10-21T16:22:00.006+02:00

Aquí temos un montón de páxinas nas que aprenderemos un montón de cousas, botádelle unha ollada:
http://www.cienciafacil.com/astronomia.html
http://educa-ciencia.com/sistema-solar-infantil.htm
Debuxos para colorear:
http://www.dibujosparapintar.com/hoja23b.html
Libro para colorear os planetas con informacións sobre cada un deles:
http://www.windows2universe.org/coloring_book/SS_Beg_new2.sp.pdf
Libro para colorear planetas según modelo (de cor):
http://sac.csic.es/unawe/juegos/COLOREAR_PLANETAS.pdf
E tamén algún video con información interesante:
Sobre os planetas...

Sobre as fases da lúa:

DA HABANA CHEGOU UN BARCO CARGADO DE...

2011-10-21T16:13:00.001+02:00

Cousas que empecen pola letra "S", por exemplo.
Seguro que a moitos vos sona este barco (poster da revista Maestr@ Infantil) e que eu xa teño utilizado en varias clases para poñer as fotos do grupo clase, ir marcando os encargad@s de cada día... A semana pasada leveino para o cole sen ter moi claro para que, e aos nen@s gustáballes moito velo alí. Dicían que estaba o Capitán Cara de Pan, un pirata que coñecemos o ano pasado facendo un xogo.
Hoxe na asemblea ocorreuseme unha idea, pois moitas veces traballamos vocabulario, e con letras para sacar palabras que conteñan unha ou outra letra, relacionalas cos nomes dos neno@s da clase, etc. Así que... mans á obra e despois do noso faladoiro matinal, puxémonos a xogar a "De la Habana ha venido un barco cargado de..." e estreámonos sacando unha letra dun sobre (tocou o "S") e entre todos fomos dicindo palabras que contiñan esa letra. Logo a cada un lle din un anaquiño de folio para que debuxara a súa palabra, e logo a escribira. Despois fomos montando a carga no noso barco.
Preparei tamén tarxetiñas para xogar dicindo cousas dunha determinada cor, forma, ou tipo (cousas grandes, pequenas, largas, curtas, duras, brandas...)
Así, xogando, traballaremos un montón de cousas: conceptos, vocabulario, características dos obxectos, grafomotricidade, lectoescritura...

Animádesvos a facer un?

O NOSO CONTROL DOS RECUNCHOS

2011-10-20T17:10:00.000+02:00

O outro día non tiña a foto para ensinarvos como é o panel que utilizamos para saber a quen panel imos cada día, e para ver a cales non podemos ir (ou ben porque xa fomos outro día da semana, ou ben porque xa o escolleron os equipos anteriores).
Temos 5 equipos de 3 nen@s cada un, caracterizados por unha cor.
E cada día da semana se corresponde tamén con unha cor. Así por exemplo, o luns é o laranxa (na asemblea) polo que comezaría escollendo recanto o equipo desa cor, e despois iríamos en orde segundo a cor dos equipos, e a orde dos días da semana.
Mirade o noso panel para facervos unha idea, aínda que... como puidechedes ver o luns non o rexistramos porque case non nos quedou tempo, despois de psicomotricidade, e fomos aos recantos sen carnets.

Mañá, se nos da tempo, iremos a dous recantos cada equipo e recuperaremos o do luns. A ver como se nos presenta a mañá!!!

APRENDEMOS A COLOCAR A BIBLIOTECA

2011-10-20T17:01:00.000+02:00

O curso pasado, como eramos máis peques, aprendemos a ordear os libros poñéndolles na parte de abaixo do lomo un texuelo dun osiño. Así sabiamos que os había que colocar todos co osiño na parte de abaixo: Pero... este ano, como xa somos máis maiores, complicamos un pouquiño máis, e ademais de ordealos tendo en conta a posición do "texuelo" teremos que ordealos por cores, en función da súa posición na estantería.

Así, ademais de quedarnos unha biblioteca máis chula e chamtaiva, saberemos onde colocar cada cousa. Tamén aproveitamos a "cartelear" poñendo o nome á caixa das revistas, e á "sección dos nosos contos" (os que imos facendo na aula).
Que vos parece?

APRENDEMOS COUSIÑAS DOS PLANETAS

2011-10-20T16:52:00.003+02:00

Hoxe foron varios os nenos e nenas que nos trouxeron cousiñas dos planetas para investigar. Con Marcos e Julián aprendemos que hai planetas gaseosos, e planetas rocosos, por exemplo. E tamén que hai un investigador de planetas que se chama George Marcy, que di que hai unha estrela parecida ao sol (que se chama Kepler 11) que ten 6 planetas orbitando ao seu redor.

Noah ensinounos o traballo que fixo na súa casa, e con el aprendemos que á Terra tamén se lle chama Globo terráqueo ou terrestre, e que o 71% del é auga. Tamén vimos a división de planetas, tal como nos ensinaran Julián e Marcos.

Así vai o noso cortizo cos materiais para informarnos e aprender cousiñas:

Moitas grazas familias por mandarnos cousiñas para poder investigar!!! Aos nenos/as encántalles ser protagonistas, aínda que só sexa un momento, para ensinarlles aos compañeir@s cousiñas que traen da casa. Esperamos seguir recibindo moitos materiais (vídeos, xogos, contos, libros, mapas...) e así aprender moitísimas cousas.

Despois de tanto falar, sobre os planetas, puxémonos mans á obra e traballamos coa orde dos planetas respecto ao Sol. E así traballamos:

Coloreamos, recortamos, identificamos, lemos, pegamos e... voilá! aquí están os nosos traballos!

O QUE FACEMOS NOS RECANTOS

2011-10-20T07:40:00.000+02:00

Hai unhas semanas que comezamos a traballar por recantos, ao principio só 3, logo 4 e agora que xa está amañado o ordenador, xa traballamos repartindo os equipos nos 5 recantos da aula.
Cada semana temos que facer diferentes tarefas en cada recanto, e cando as rematamos, xa temos liberdade para xogar dentro dese espazo.
Levamos o control do noso paso polos diferentes recunchos a través dun panel e así non repetimos e cada equipo vai aos 5 ao longo da semana, facendo así tódalas tarefas, e traballando en equipo.
Algunhas das cousas que fixeron nos recantos foron:

No recanto dos oficios teñen que ir de compras, levan unha lista da compra, e teñen que mercar: laranxas, un bolso, unhas gafas, pan...

No recanto dos sabios esta semana xogaron coas prantillas troqueladas e as letras, tentanto completar todo o abecedario poñendo cada letra no seu oco correspondente.

No ordenador xogan con Caillou nunha actividade de números.

Fixeron o seu retrato decorado con froitas e pegándolle follas de outono, similando o de Giusseppe Arcimbolo.

NAVES ESPACIAIS E EXTRATERRESTRES

2011-10-19T17:15:00.000+02:00

Estes días levamos moito falado sobre os planetas, e se hai unha cousa que teñen clara é que "nos planetas hai marcianos e extraterrestres, que se deslizan polo buratos dos planetas, e tamén viaxan en naves".
Así que... despois dun faladoiro decidimos a amosar aos demais como críamos que serían os extraterrestres e as súas naves, e como podedes ver hainos con antenas, cornos, 3 ollos, 4 ollos...variedade!!!

OS NOSOS "HIPO -MANTEIS"

2011-10-19T16:54:00.000+02:00

Hai uns días que estreamos os nosos manteis.O curso pasado fixeramos uns animaliños coas nosas pegadas e as nosas fotos, e este curso decidímonos a pintar uns hipos moi chulis coas nosas pinturas favoritas (as de barra!). Teñen unhas cores chulísimas, e encántanos pintar con elas. Foron as mesmas coas que fixeramos as nosas guitarras eléctricas, e similan ser témperas.
Mirade que chulis nos quedaron:

Queredes facer un igual? Mans á obra!!! (Os dentes son con cahiños de folio).

ESCRIBIMOS OS NOSOS NOMES SEN LÁPICES

2011-10-19T16:42:00.001+02:00

E sen rotus... sabedes como? Pois escribindo con plastelina.
Na casa tamén podemos xogar a escribir palabras, a crear figuras e poñerlle o nome (con carteliños de papel, ou mesmo facendo as letras coa plastelina). Así, vendo a funcionalidade da escritura de diversas formas, e utilizando moi distintos materiais, vemos que ao mellor co lapis lles costa facer un determinado trazo pero coa plastelina lles saiu ben, entón teñen interiorizada como é realmente esa letra que polo momento lles costa.
Mirade:

E algúns dos nomes que fixemos:

NOVA INDUMENTARIA PARA OS ENCARGAD@S

2011-10-11T23:23:00.000+02:00

Os encargad@s da clase son, dalgún xeito, os xefes, os axudantes dos prof@s, os que teñen que facer as tarefas da asemblea, os que teñen que repartir materiais, os que teñen que mirar de que todo este en orde... en fin, teñen un montón de cousas que facer, e como recompensa a tanto traballo, merecen ter un uniforme para que todo o mundo teña claro quen ten ese día o "poder". Hoxe estreamos a indumentaria para as tarefas da asemblea, mirade que guap@s están!!!

Quen sabe igual algún día aproveitamos e facemos un desfile tipo pasarela Cibeles, xa vedes que aquí hai moita clase!!! jeje.

FORMI PRESÉNTANOS A UN NOVO AMIGO

2011-10-11T23:10:00.002+02:00

Hoxe recibimos noticias de Formi, despois de tanto tempo!!! e foi a través dunha carta (en forma de avión) que chegou voando a través da fiestra da nosa clase. Estabamos tan tranquil@s na asemblea, cando nos sorprendeu a aterraxe da súa carta.

Alí nos explicaba onde estivera, a quen coñecera... e para a nosa sopresa, presentounos a Marci, un marciano que coñeceu no "planeta vermello".
Lede a carta e enteradédesvos de toda a historia:

Así pois, Marci quedou presentado en sociedade. Poderedes seguir todo o proxecto premendo na icona da esquerda. A medida que vaiamos subindo cousiñas nesta etiqueta directamente se enlazarán alí.

Tra-la sorpresa de saber que Marci veu de visita a Ortigueira, pero... (casualidades da vida) rematou voando nun globo ata chegar ao planeta vermello, tivemos que contestar ás súas preguntas e falamos sobre que sabiamos dos planetas, cal criamos que era o planeta vermello, quen vivía alí...
e algunhas das cousas que dixemos foron que:
- os planetas están moi altos, no lado escuro, no lado negro, están no ceo...
- os planetas teñen moitíiiiiiisimos buratos, e alí tamén hai naves...
- nos planetas viven os marcianos e os extraterrestres, hai un extraterrestre xefe (din que é Marci) e tamén os hai bebés...
-O planeta vermello é Marte, e chámase "planeta vermello" porque é desa cor...

En fin... deunos para falar e falar, e sobre todo para crear expectativas e curiosidades. Agora precisamos da axuda das familias e que nos manden información dos planetas, do universo en xeral... cousiñas que nos servan para achegar aos peques un pouquiño máis a este tema.
Xa sabedes, valénnos contos, libros para pescudar, imaxes, xogos ou xoguetes alusivos ao tema... calquera cousiña que nos faga centrarnos no tema para aprender moitísimas cousas.
Por certo, como cada primeiro día no que iniciamos un proxecto (neste caso é un tema-proxecto xeral para todo infantil) fixemos o debuxo coas nosas ideas sobre o tema, así debuxamos a Formi, a Marci e os planetas. Mirade que claro temos como son:

PINZAS MÁXICAS = TENDAL MÁXICO

2011-10-10T17:25:00.001+02:00

Sempre me gustaron as clases con tendais nos que se poden ver expostos os traballiños dos nen@s. E sempre teño, alomenos, un.
Pero... para traballar un pouquiño co recoñecemento do nome de tódolos compañeir@s da clase, e para personalizar as nosas pinzas, hoxe fixemos un xogo.
Eu, previamente,tiña impresas fotos individuais dos nen@s.Dinlles a cada un o seu papeliño e escribiron o seu nome. Plastificamos as fotos por unha banda e os nomes por outra. Logo, en círculo, xogando na asemblea, líamos as tarxetas e emparellabamos coas fotos correspondentes.

(Faltaron Lucía e Carlos, así que quédannos as súas pinzas máxicas por montar)
Logo, cada un escolleu que dúas pinzas quería para sí mesmo, e poñía nunha o nome e noutra a foto (aproveitando así a traballar un pouco a motricidade fina) e despois eu con cinta de doble cara para pegar, montei as pinzas.

O resultado é que agora cada un terá unhas pinzas personalizadas.

Con elas iremos lendo o nome dos compañeir@s noutro lugar diferentes, e sen dúbida pois vai emparellado coa pinza do nome.
Este foi o resultado:

Que vos parecen as nosas pinzas? Chulas verdade?

EN TEMPOS DE CRISE...

2011-10-08T13:24:00.001+02:00

Teremos que aforrar e buscar as alternativas que nos ofrecen os materiais de refugallo, ou os materiais da natureza.
Aquí vos ensino algunhas cousiñas que atopei NESTA PÁXINA e que se poden facer con pedras, por exemplo. É unha páxina repleta de ideas, xa sabedes, outra máis para gardar e ter en conta.

Verdade que son moi chulos? A ver se facemos tempo e podemos facer algún.

UNHA NOVA PÁXINA PARA GARDAR

2011-10-07T17:22:00.000+02:00

Acabo de atopar unha páxina na que seguro atoparedes cousas interesantes.

Na esquerda da páxina podedes buscar que tipo de material queredes (por festas, temáticas...)tamén ten receitas... e un montón de cousas máis.
Aquí vos deixo algunhas das que atoparedes.

MANDALAS INFANTÍS MOI CHULIS

2011-10-07T17:00:00.000+02:00

Unha vez máis vos remito á páxina de KROKOTAK para que podades descargarvos uns mandalas que seguro vos virán moi ben para as vosas clases, ou mesmo para facer na casa. Ter un pequeno recanto no que haxa mandalas e poder ir a relaxarnnos de cando en vez facéndoos, seguro que nos dan moitísimo xogo. Os que nunca os probáchedes, non esperedes máis. Seguro que vos gustarán!
Aquí vos ensino algúns:

PARA FACER CON PLASTELINA, PASTA DE MODELAR, ARXILA DE SECADO AO AIRE...

2011-10-07T16:50:00.001+02:00

Mirade algunhas ideas da páxina de KROKOTAK:

Estas son máis ben para cocer ou con pasta de secado ao aire e quedan uns colgantes moi chulis, non credes?

E tamén se pode aproveitar para facer xoguiños para a aula ou para casa, con números, letras, etc.

ETIQUETAXE E ORDENACIÓN DE MATERIAL

2011-10-07T16:22:00.000+02:00

Hoxe comezamos coa etiquetaxe de materiais no recanto dos xogos matemáticos. Nel é onde temos xogos de números, construccións, quebracabezas, memoris... e no que se irán incorporando novos materiais que serán xogos feitos por nós na clase.
para unha correcta ordenación, e tamén para traballar coa escritura dos números, decidimos ordear o material facendo as nosas propias etiquetas numéricas.
Así foi como as fixemos:

Así como nos está quedando o noso traballo. Para a semana continuaremos coa tarefa:

Seremos capaces de ordear mellor as cousiñas? Seguro que sí!

UNHA DAS MIÑAS PÁXINAS FAVORITAS CHEIÑA DE RECURSOS

2011-10-06T21:42:00.000+02:00

Premede AQUÍ e veredes cantas cousiñas ten.
Aquí vos deixo algunhas cousiñas do outono que poderedes ver nela.

RECONTO DE NENOS E NENAS

2011-10-06T18:39:00.001+02:00

Xa vos contamos como nos estamos iniciando á suma na asemblea (contando cantos nenos hay, cantas nenas, sumando a todos...) hoxe ademais, despois de escribir os números, ocorreusenos que para aproveitar un panel de números (que fora dun xogo do curso pasado)imos marcar cun debuxo dunha casa e outro dun castelo(que representa o noso cole "máxico", tal como facemos no panel de pasar lista)o número correspondente aos nenos e nenas que viñeron, e aos que faltaron.
Hoxe como era María a encargada, pois a súa parella non veu (que era Ainara) foi ela a encargada de facer os mini debuxos, da casa e do castelo, que nos servirán para utilizar nese panel.

¿Que vos parece a idea?

A TEMPERATURA

2011-10-06T18:35:00.002+02:00

Hoxe estreamos nova tarefa para os encargad@s, consistente en mirar nun termómetro de parede a temperatura, e reflectila logo nun panel.
Ao principio o termómetro pasou por tódolos nen@s para que fosen capaces de ver a liña azul que nos marca a temperatura, e logo, coa miña axuda, miramos exactamente cantos grados había, e buscamos o número correspondente no panel para poñer a frechiña.
Gustoulles moito!!! Hoxe foi un día de bastante calor, pero... agora está chovendo! que temperatura fará mañá? ademais ao longo da mañá pode que cambie e teremos que estar atent@s.

A PROFE ESTÁ DE CUMPREANOS!!!

2011-10-06T18:23:00.003+02:00

Hoxe non o podían crer cando lles dixen aos peques que estaba de cumpreanos, e iso que xa sabían de antemán que a min me tocaba de festexalo este mes con Ainara, que tamén naceu en outubro.
Pero se xa é foi un acontecemento o feito en sí de que "a profe tamén teña cumpreanos", imaxinádevos as súas caras cando debuxei unha tarta no encerado, escribín o 31 enriba e lles pedín que me axudaran a contar ata 31 para debuxar tódalas velas que tiña que soprar.
Máis de un me retou e dixo que eu non sería capaz de soprar tantas velas!!! jajaja.
Como non, o meu cumpreanos festexarémolo o último luns de mes con todos os nen@s que cumpren este mes (por certo, que somos 10 en total) así que... amosareilles que son capaz de soprar 31 velas!!! irei practicando nestes días, jejeje.

A NOSA NOVA CLASE

2011-09-30T20:41:00.001+02:00

Hoxe vouvos ensinar así por riba a nosa clase,antes non o fixen porque aínda non estaba todo listo, pero bueno, agora máis ou menos xa está.
Este é o noso espazo para facer a asemblea:

Este é o recuncho dos oficios (perruquería, restaurante, supermercado...):

Este é o recuncho dos sabios (biblioteca e letras):

Este é o recuncho dos artistas:

Este é o recuncho do ordenador:

Este é o recuncho dos matemátic@s (quebracabezas, xogos de números, construcións...)

AXUDÁDESNOS TRAENDO MATERIAIS?

2011-09-29T18:01:00.002+02:00

Na xuntanza do luns xa vos contamos que precisabamos a vosa colaboración para conseguir algúns materiais para os recunchos da aula.
Estes materiais que podedes traer son: algún libro (pode ser un conto, ou un libro de animais, o universo, etc, revistas infantís, de animais... que son de grande interese para os nen@s) e tamén algo que lles serva para xogar disfrazándose (un pano, un sombreiro, un disfraz propiamente dito, unha carteira, unha falda, unha camisa...) calquera cousa coa que se transformen ao poñela e "se convertan" noutro personaxe.
Moitísimas grazas pola vosa colaboración, pois xa foron chegando algunhas cousiñas, e seguro seguro que se lle dará moitísimo uso na clase.

SUMAMOS? QUE É SUMAR?

2011-09-29T17:55:00.001+02:00

Hoxe estreamos materiais na asemblea, e tamén novas tarefas para os encargad@s do día.
Entre eles, estreamos uns paneis nos que teremos que "sumar", contando cantos nenos e nenas hai na escola e cantos non viñeron. Pero cando lles expliquei que iamos sumar coma os maiores, varios me dixeron: profe, que é sumar????? Pouco a pouco a medida que vaiamos facendo o que xa faciamos o curso pasado pero plasmado a modo sumatorio, se darán conta do sinxelo que é sumar pois xa levamos tempo facendoo.

Estas sumas tamén as plasmaremos noutras actividades dentro do recanto dos matematic@s, pero sempre de xeito manipulativo.

NOVA FORMA DE TRABALLAR

2011-09-29T17:45:00.003+02:00

Como xa vos comentamos noutra ocasión, este ano imos traballar dende xa (agora en outubro) por recantos e proxectos.
A modalidade dos recantos, non será como unha distribución espacial sen máis (como faciamos o ano pasado) senón que será un traballo en pequenos equipos (distribuidos por cores) e nos que, en cada recanto, haberá unha actividade concreta para facer, aparte de que lles de tempo de xogar libremente cos materiais de dito espazo.
Así, cada día da semana, terán que ir a un determinado recanto (dos 5 que hai) e o venres, todos teran pasado polos 5 recantos, e realizado as actividades propostas en cada un deles.

Hoxe comezamos coa distribución por recantos a modo de proba, pero xa cos nosos carnés, e o luns xa teremos o PANEL DE CONTROL, co que cada nen@ saberá a que recanto lle toca ir, a cantos foi ao longo da semana...
Por suposto, esta nova forma de traballar, esixe coñecer novas normas, que antes, non sempre cumpriamos (como non poder cambiarse de recanto, xa que cos carnés non haberá sitios libres a onde ir, pois hai un número máximo de nen@s que non se poderá superar).

Hoxe por exemplo, amosámosvos unha das actividades que fixemos, neste caso no RECANTO DE SABI@S (no que se inclúe a biblioteca e a zona de letras).

Neste recanto a actividade consistía en escribir o seu nome con diferentes materiais (recortando letras, con letras troqueladas, estampando con selos, escribindo con rotuladores de cores...). Cando remataban a tarefa podían xogar no recuncho libremente: collendo un conto para ler, collendo as marionetas que temos na biblioteca para dramatizar historias...
Mañá o equipo que pase por esta zona terán que facer a mesma tarefa.
Así, facendo os traballos en pequenos grupos, a atención é máis individualizada, os nen@s cooperan máis, vólvense máis autónomos...

INVENTAMOS E ILUSTRAMOS OS NOSOS CONTOS

2011-09-27T16:26:00.001+02:00

Hoxe fixemos a nosa primeira exposición no exterior da clase, vaia non moi lonxe, só foi no noso corredor!!!
Alí, despois de que onte inventasemos unha historia coa nosa "caixa máxica das palabras" fixemos as ilustracións da historia, e antes de montar o libriño, decidimos facer unha exposición das nosas ilustracións para que o podan ver os nosos compis cando van ao comedor, por exemplo.
Quedáronnos moi chulis, e como o protagonista do conto era un paxariño (máis concretamente un paporroibo) pois aos debuxos engadímoslle plumiñas de cores.
Mirade que chulis!!!

A historia fala dun paxariño que collía moedas pola rúa e as gardaba nun peto. O paxaro foi ao bosque e atopouse cun montón de animais...

1ª MACROFESTA DOS CUMPREANOS DE SETEMBRO

2011-09-26T18:36:00.000+02:00

Este ano, como novidade no festexo dos cumpreanos, faremos unha soa festa por mes. Así, cada derradeiro luns de mes, festexaremos o cumpreanos de tódolos nen@s que cumpriron nese mes (e dos prof@s, claro).
Hoxe tocou festexar os dos mes de setembro (que eran 7, nin máis nin menos!!! da nosa clase era Noah), e fixémolo por todo o alto: coroas, "macrotarta falsa", pergaminos agasaio dos compis, degustación dunha rica merenda (biscoitos, patacas fritidas, zumes...), e como non, a canción do "cumpreanos feliz"!!!
Mirade o ben que o pasamos!!

Quen estará de cumpreanos o próximo mes?

A CAIXA MÁXICA DAS PALABRAS

2011-09-26T18:18:00.002+02:00

Ás veces aproveitamos calquera disculpa para crear un conto, e hoxe a que se nos ocorreu foi a de utilizar "a caixa máxica das palabras" que non era outra cousa que unha caixiña (bote de mascarilla capilar, jeje, viva o reciclaxe)que dentro contiña pós máxicos (purpurina dourada) e por fóra unhas estreliñas brillantes.

Como funcionaba? Moi sinxelo! O que tiña a caixiña (que a agarraba con moitísimo coidado, pois era máxica) comezaba a crear un conto, e a caixa íase pasando aos compañeir@s dándolles así a súa quenda. Finalmente, entre todos construimos unha historia.

Esta vez foi a historia dun paxaro, que resultou ser finalmente un paporroibo que collía cartos pola rúa, os gardaba nun peto... e non sei cantas cousas máis. Cando o teñamos montado, xa vo-lo ensinamos.
Por certo... alguén se decatou que ao finalizar a historia a caixa xa non tiña ninguna estrela? jeje. Cada un se ía quedando con unha, debía de ser para quedarse co seu poder máxico!!!!!

PASAPALABRA NEN@S

2011-09-26T07:46:00.000+02:00

Acabo de ver no blogue de Eva "Recursos para el aula" un enlace a un xogo coñecidísimo da televisión, pero neste caso feito para nen@s.
Haberá que probalo con eles, seguramente dándolles pistas, pero bueno... cos máis maiores é un xogo moi divertido no que poden estar sós (primaria).

A que esperades para probalo?

OBRADOIRO DE ESTIMULACIÓN DA LINGUAXE

2011-09-25T10:25:00.000+02:00

Na asemblea aproveitamos a facer moitas cousas pois nese momento estamos tod@s ben espert@s, xuntos, e a nosa disposición espacial préstase para que fagamos moitas cousiñas.
Dous días á semana, aproveitaremos un ratiño da asemblea para facer "estimulación da linguaxe". Xa sei que traballando oralmente xa tódolos días o facemos, pero neste caso trátase de traballar con exercicios e materiais propios para que os nen@s con máis problemas melloren na pronunciación dos fonemas que non articulan ben, aínda que o faremos a modo de xogos de grupo.
Neste obradoiro faremos xogos de sopro, onomatopeais, praxias bucofaciais, etc.
Algúns dos xogos que fixemos estes días foron: soplar unhas pelotas de ping pong pola clase intentando metelas nunha caixiña (que eu ía movendo constantemente de lugar) sen tocar as pelotas coas mans.

Tamén fixemos praxias xogando a imitar unhas tarxetiñas...

Eu facía pompas de xabón e os peques tiñan que tentar soplalas levándoas cara o outro lado da clase sen que estouparan, levantándoas só co seu sopro...

OS NOSOS DADOS CREACONTOS

2011-09-25T10:07:00.003+02:00

A nós encántanos crear os nosos propios contos, decorar historias de fantasía e imaxinación, e despois recordalas moitas veces para que esas historias persistan. E... para iso, sempre deixamos constancia delas creando libriños para a nosa biblioteca.
Desta vez utilizamos os nosos dados creacontos (coas personaxes, lugares e obxectos que xa puxeramos o curso pasado). Lanzamos os dados e saiunos que tiñamos que inventar unha historia que tivera estas 3 palabras:
OVELLA - ZAPATO-PRAIA

Entre todos, e coma sempre motivadísimos fixemos a nosa historia cooperativa, que aquí vos escribo. Logo fixemos tamén os debuxos para ilustrala, pero de momento non rematamos de montar o noso libro, xa vo-lo ensinarei!!!
A historia que inventaron foi:

"Érase una vez una oveja que iba paseando por el barro, y se encontró un zapato. Se lo puso en una pata y fue paseando a la playa. Desde allí se veía una isla y fue nadando con el zapato, porque era una isla del tesoro. Cuando llegó, cogió el tesoro y puso todo el oro en su espalda, y volvió nadando a la playa.

Los piratas se enteraron y fueron en su barco detrás de la oveja, pero no la vieron. La oveja escondió el tesoro en su casa (que era un prado), pero los piratas no sabían en donde era. El capitán dijo que lo buscaban en el mapa y allí ponía donde estaba la casa de la oveja. Luego encontraron el tesoro y se lo llevaron otra vez para la isla."

Y colorín colorado, los piratas con el tesoro se han marchado.

XOGANDO COAS LETRAS E OS SONS

2011-09-25T09:56:00.000+02:00

Outro xogo que fixemos, sobre todo para lembrar en que punto estabamos (despois da desconexión do verán na que moitos esqueceron ata como se escribe o seu nome), foi o de dicir palabras que comecen pola letra...
Entón ao final dunha asemblea, aproveitando que tod@s estamos xuntos e despert@s, eu dividín un pequeno encerado branco en distintas casiñas numeradas. Entón... eu preguntaba, que palabras sabedes que empecen pola letra ... T, por exemplo? Os nen@s ían dicindo palabras eo primeiro saía a escribir a súa palabra.
Outra variante que fixemos foi que eu comezaba moi lentamente a debuxar cousas, e o que adiviñara que era ese debuxo saía a asinar na casiña correspondente, e así ía xuntando tantos puntos como sinaturas (repasando a escritura do nome, e fixándonos entre todos nos nomes dos compis).

Aquí vos deixo as imaxes para que vos fagades unha idea, e a ver se se vos ocorren máis cousiñas e no-las contades, vale?

Seguro que se poden facer un montón de cousas cos encerados e os nen@s!!! Seguiremos pescudando!!!

NOVOS MATERIAIS NOS RECANTOS DA AULA

2011-09-24T20:17:00.000+02:00

Este ano traballaremos por recantos propiamente ditos, e por iso que cada vez imos incorporando novos materiais que nos permitan facer moitas e variadas actividades dentro de cada recanto, para mellorar na nosa autonomía, competencias...
Un deses novos materiais é por exemplo un xogo de estampar o abecedario, con el, os nen@s deciden que 4 palabras queren escribir, eu as escribo e eles telen que transcribilas estampando.

Mirade que ben o pasaron Luís e Dani buscando as letras para poder escribir as súas palabras con letras máxicas.

ESTAR NA CLASE DE 4 ANOS LEVA CONSIGO CAMBIOS

2011-09-24T20:07:00.003+02:00

Como por exemplo que agora xa non temos nos percheiros nin nas gavetas tarxetiñas con fotos e os nomes, nin tampouco para pasar lista na asemblea. Non, agora xa temos que ser capaces de " ler" os nomes dos nosos compañeir@s sen ver a súa foto ao lado do nome.
De momento levamos moi ben ler o noso propio, e se nos fixemos nas primeiras letras e últimas sacamos o nome dos compañeiros tamén.
Os percheiros e as gavetas sufriron o cambio de tarxetas cos peques de protagonistas, tendo que ser eles os que as cambiaban.

E de paso aproveitamos a facer uns xogos de recoñecemento dos nomes: ensinando todas as tarxetas novas á vez e tendo que ir a buscar un nome concreto; amosando eu unha e tendo que levantarse e sentarse rapidamente outra vez o neno do nome que ensino en cada momento, buscando que nomes comezan por determinada letra... Pasámolo moi ben!!

Para os percheiros dos mandilóns cada nen@ fixo a súa propia tarxetiña, e tamén aproveitamos a xogar, como non!

ASEMBLEA SECRETA: AS NOSAS COMIDAS FAVORITAS

2011-09-24T19:55:00.001+02:00

Nunha asemblea que comezou como cada día contando cousiñas que fixemos, a onde fomos... rematou falando de comidas favoritas pois alguén comentou o que comera na casa da súa avoa.
Pero... para que "non se contaxiaran" as informacións e todos dixeran as mesmas cousas, pois moitas veces se deixan levar polo que din os demais e non dan a súa verdadeira opinión, fixemos unha asemblea secreta. Como? Pois cada un me dixo ao oído cal era a súa comida favorita, e eu ía apuntando todo nun papel. Despois para que todos estiveran atent@s, eu dicía en voz alta: "a quen lle gustaba..." e eles ían levantando a man, enon houbo problema ningún de que cambiasen de opinión, nin nada diso.
A miña sorpresa: non houbo ningunha comida tipo pizza, hamburguesa... senón que houbo caldo, polbo, sopa, carne con patacas... un variado menú!!!
E outra sorpresa: os xemelgos Marcos e Julián dixeron croquetas e estaban sentados moi separados na asemblea!!! Coincidencia?
Despois aproveitamos e cada un fixo un debuxo da súa comida favorita, mentres a profe imprimía fotos deses pratos sacados de internet, e con eles fixemos este mural que temos na nosa clase.

Gústavos? Cal é a vosa comida favorita?

PÉTALA: O NOSO PROPIO CONTO

2011-09-24T19:33:00.004+02:00

O outro día limos un conto moi chuli que nos deixou a profe Ana, era o conto de Pétala (Editorial OQO) cuns debuxos moi bonitos, e unha historia sobre a desaparición da chuvia, e un dragón algo culpable desa desaparición. Poderá ser así historia? Tedes que lelo!!!

Nós aproveitamos e fixemos os debuxos desta historia, fixádevos neles e saberedes que máis cousas aparecen neste conto.

Como xa sabedes, a nós encántanos facer os nosos propios libros para logo poder lelos e miralos e remiralos na nosa biblioteca de aula, así que... aquí temos un máis, o primeiro deste curso que acaba de comezar.

ENCHÉNDONOS DE IDEAS

2011-09-19T17:15:00.000+02:00

Chega o momento de buscar novas ideas e para iso é bo darse unha voltiña pola rede na que sempre se atopan cousas interesantes.
Agora acabo de atopar unha páxina que ten un montón de ideas creativas para os peques (e coma sempre digo, non só para poder facer nos colexios, senón tamén cada un na súa casa.

Espero que vos guste e que a utilicedes moito, deixoa tamén enlazada na esquerda para que vaiamos a ela a tiro fixo.

POÑENDONOS AO DÍA

2011-09-18T11:03:00.001+02:00

Estes días non publicarei a diario ou case a diario, como adoito facer, pois aínda estamos poñendo a aula ao día. Non está decorada como finalmente quedará, aínda lle estamos dando voltas aos mobles para facer os recantos e que quede o espazo ben distribuido. Supoño, que como a moit@s prof@s, este mes de setembro é para ir facéndose co espazo tanto os nen@s coma nós, e parece que nunca acabamos de ver ao xeito as cousas. Eu xa lle levo dando unhas cantas voltas á clase!
Ademais comezaremos a traballar por recantos propiamente ditos e teremos que facer os paneis de control, os carnés, preparar materiais...
Tamén, como xa somos os de 4 anos... cambiaremos os paneis da asemblea por uns para "maiores" (jeje), faremos os nosos novos manteis para as merendas... así que pouco a pouco estas dúas semanas serán para seguir poñéndonos ao día nós e o espazo.
E non vos conto nada máis, vou a seguir facendo materiais, só que se vedes que tardamos en escribir só é porque de momento nos adicaremos a facer algúns cambios nas nosas rutinas do curso pasado (cambiaremos as cancións por exemplo). Cando teñamos cousiñas listas xa vos iremos comentando.

CREANDO TEMAS DE CONVERSA NA ASEMBLEA

2011-09-14T19:10:00.001+02:00

Pouco a pouco imos avanzando nas nosas conversas, e van xurdindo temas cos que todos falamos, debatimos, opinamos... foi o caso dos debuxos animados.
Alguén falou dos debuxos animados que máis lle gustaban, e a partir de aí xurdiu todo un debate cara estes. Se era mellor Calamardo ou Bob Esponja, se era máis guapa Brancaneves ou Tarta de Fresa... e cada un aportaba polos seus debuxos favoritos, xa sen deixarse levar tanto polo que pensaban os demais.
Desta asemblea rematamos facendo un mural sobre os nosos debuxos favoritos, e a cantos lles gustaba máis cada personaxe. Vimos que gañou Bob Esponxa con 6 votos, perdeu Brancaneves con 1 voto, e empataron Raio McQueen e tarta de Fresa con 3 votos cada un, como podedes ver reflictido aquí: