BENVID@S AO NOSO ESPAZO! NEL PODEREDES VER O QUE FACEMOS NA CLASE, VISITAR ENLACES INTERESANTES, COLLER IDEAS, DESCARGAR MATERIAIS... ADIANTE!!!!

SEGUÍDENOS POR E-MAIL.

4/12/09

COMEZA O PRÉSTAMO DE BIBLIOTECA

Na xuntanza de principio de curso xa vos comentara a profe que faríamos o préstamo de biblioteca, pero non o comezaramos aínda porque primeiro tivemos que clasificar os libros, aprender a ordealos, e tamén aprender a escribir o noso nome (os de 3 xa o escribimos, aínda que de momento algúns precisamos da axuda dos adultos, pero nunca para que nos leven a man, senón para que nos amosen a letra e nos vaian dicindo o seu nome e como se fai (por exemplo: unha N = para arriba, para abaixo e para arriba) iso nos bastará para saber facelo.
Agora que xa estamos preparados, comezamos co préstamo de biblioteca, polo que, como hoxe, cada venres levaremos a carpetiña co conto que nós eliximos, a ficha para facer o debuxo e escribir as cousas que nos manda nela, e tamén o abecedario plastificado para que nos axudedes a facer as letras.
Ademáis, para a semana, sumarémoslle á carpeta outro elemento: O CARNÉ LECTOR.
Os luns, deberemos traer de volta a carpetiña con todos os elementos, e a ficha feita, claro.
Para recoñecer as nosas carpetas, non lle puxemos fotos nin carteis cos nosos nomes feitos a ordenador, senón que os escribimos nós sós.
Aasí nos gustan máis e as recoñeceremos máis rápido.

No hay comentarios:

Publicar un comentario

 
poemas de amor