COMPARTINDO TAREFAS E RESPONSABILIDADES

Comezamos con cambios nas rutinas da asemblea, uns cambios que nos permitirán "aprender a compartir", "traballar en equipo"...
Algúns deses cambios que faremos xa os descubrimos hoxe, cando a profe nos dixo que agora xa non haberá un encargad@, senón dous cada día.
Do mesmo xeito, xa non están os nosos nomes colocados, separando nenos e nenas, o cal nos servía ó principio para localizar máis fácil os nosos nomes (en dous equipos diferenciados) pero que agora xa non precisamos.
Así que... puxémonos mans á obra, e cambiamos todo. Agora temos colocados os nosos nomes por parellas, de feito que cada día saberemos a que parella lle tocará ser ó día seguinte.
Para iso, tivemos que sacar os símbolos de cores e números que temos ó lado do noso nome, e que nos serven para atopar o noso sitio na asemblea, os gardamos ben gardadiños no noso peto, e logo cando a profe collía un nome no-lo ensinaba, nós dicíamos de quen era ese nome, e ese neno se levantaba e poñía o seu símbolo no sitio correspondente.
Así, ata que conseguimos formar este panel:
Ademais tivemos que facer cambios nos vagóns do tren, pois onde antes había unha foto, agora hai dúas, ó mesmo tempo que tivemos que poñer dous "encerados máxicos" onde antes había un.
E non foi iso todo, agora, no encerado branco, temos que repartir espazos, e onde antes debuxaba e escribía un agora temos que dividilo en dous e poñernos dacordo para facelo. Mirade?
Así ademais sendo dous os encargados, nos repartiremos mellor as tarefas, e mentres un conta cantos estamos, outro busca o número para poñer no panel; mentres un reparte lápis nas mesas dos maiores, outro os reparte nas messa dos pequenos. Xa veredes que ben nos vai a sentar isto de compartir funcións!!