TOC, TOC, TOC... CORREO PARA NÓS

Hoxe veu Fernando a traernos un paquetiño, e era, como non, o "Libro Viaxeiro" que chegaba dende Oviedo, repleto de novidades. Esta vez os nosos amiguiños mandáronnos un mapa-xogo para poñer cada nome no lugar correspondente e así saber onde nos atopamos. Mirade que chuli:

MELLORAMOS A NOSA CREATIVIDADE, A GRAFOMOTRICIDADE E A... MEMORIAAAAAAAA!!!

Fixemos un xogo de memoria moi chuli cos nosos propios debuxos, e enviamosllo de agasaio aos nosos amiguiños de Oviedo, esperamos que lles guste, supoñemos que hoxe xa lles chegaría o paquete. Mirade!!!

E sí, a profe Nieves xa actualizou o seu blogue, e xa sabemos que lles chegou o libro viaxeiro. Mirade que ben o pasaron:
http://blog.educastur.es/enpocaspalabras/2011/02/19/toctoc-tenemos-carta/

GRAZAS ÁS MIÑAS AMIGAS BLOGUEIRAS ASTURIANAS

Ana Xfa e Nieves, coas que teño gran afinidade no xeito de traballar e coas que sempre ando argallando cousiñas. Desta vez, e case sen programalo, estamos facendo intercambio de contos por correo postal, eu mándollos en galego, e elas a min en asturiano... así, pouco a pouco, aos nosos nen@s cada vez lles resulta menos raro escoitarnos contar un conto noutra lingua, e como lles é máis difícil comprendelo, están ben atentos!!!
Hoxe, a carta recibida da profe Ana Xfa, ademais tiña doble sorpresa, pois o conto "Mansín" está escrito e ilustrado pola súa filla Carla.
Deixóvos a referencia a estes novos contos que teño, e que por suposto vos aconsello pois son chulísimos.

 EDITORIAL PINTAR-PINTAR.

 EDITORIAL TRABE.

EDITORIAL PINTAR-PINTAR.

O NOSO LIBRO VIAXEIRO XA CHEGOU A OVIEDO

A semana pasada mandamos unha carta e nela un libro viaxeiro, ao cole da profe Nieves, unha amiga de Bea. Agora serán os seus peques os que nos devolverán o libro noutra carta e propoñéndonos actividades para que fagamos nel, e así mandarnos o libriño que viaxará e viaxará de Oviedo a Ortigueira, e de Ortigueira a Oviedo por correo postal.
Se premedes AQUÍ, poderedes ir ao blog destes peques e coñecelos un pouquiño.
E aquí podedes ver xa cousiñas do noso libro...

Non vos podiamos ensinar antes isto, porque os nosos compis siguénnos no blog, e senón... verían o libro antes de que chegara a carta!!!!

A NOSA CARTA XA CHEGOU A OVIEDO

Onte chegoulles a nosa carta ós nosos amig@s postais de Oviedo. Podedes visitar o seu blog picando aquí, e veredes os nosos debuxos cheos de purpurina (como todo ultimamente).

Hoxe fixemos as sinaturas para enviarlles a postal, que xa estará en camiño e lles chegará o luns. A ver se lles gusta!!!!