PRECISAMOS TRAER CAIXAS DE ZAPATOS!!!!

Aínda que non levamos á casa ningunha notiña, xa vos imos avisando por aquí, de que imos precisar DÚAS CAIXAS DE ZAPATOS (cada un/unha), para facer cousiñas no cole.
Podemos ir traéndoas ó longo da semana.Grazas pola vosa colaboración.

MANDÁRONNOS UN PREMIO LECTOR!!

Dende ben lonxe, chéganos este premio da man de Sandra Luz, no seu blogue de premios, da súa "sala amarilla".

MOITÍSIMAS GRAZAS!!!!!

E tamén recibimos de Vicen, do blogue de LECTOESCRITURA, esta lanzadeira de ilusións:

Eu envíollos a todos os blogs que teño enlazados, de xeito que calquera que vexa aquí esté premio, pode levalo, posto que sodes moitos os que tedes uns blogs chulísimos cheos de ideas, recursos, experiencias... E cada día teño unha lista máis grande de blogs do meu interese. Se o teu blog está enlazado no meu, este premio é tamén para ti.

XA CHEGOU A NOSA CARTA A OVIEDO!!!

Os nosos amiguiños de Oviedo xa recibiron a carta que lles enviamos esta semana, nela ían dous botiños para meter bichiños e investigalos. Son coma os que usamos nós no patio, cando andamos en busca de xoaniñas (aínda que nunca atopamos ningunha), bichos bola, lombrices, formigas...
Se premedes na imaxe poderes ver no seu blog o noso envío.

DESCUBRIMOS OS TESOUROS QUE AGOCHAN OS OCEÁNOS!!!!

Estes vídeos que deixamos aquí servirannos para ver na clase, falar todos sobre o que vemos, e descubrir algunhas cousiñas que agochan os fondos mariños...

Con este ademáis podemos aproveitar a relaxarnos!!!!!

A CANTAR!!!!!!!!

Baixo o mar... baixo o mar...

PRIMEIRA CREACIÓN FAMILIAR... ADÁN

..
Don Melitón como era tan raro
los hacía dormir dentro de un aro,
y cuando querían beber,
tenían primero que leer,
y cada tres días los hacía dar un chapuzón,
¡qué vivan los gatos de Don Melitón!.

ACTIVIDADE BENCLALU PARA AS FAMILIAS

No grupo de traballo Benclalu, propuxeron os nosos compis de Andalucía unha actividade, que seguro que vós, coa creatividade que tedes, rapidamente resolveredes.
Trátase de rematar a canción de "DON MELITÓN", inventándolle novas rimas.
Os nenos/as axudaranvos a inventalas, a ilustra-la canción, a escribir...
Veña, animádevos!!!!

Don Melitón, tenía tres gatos,

que los hacía bailar en un plato,

y por la noche, les daba turrón,

¡qué vivan los gatos de Don Melitón!

Don Melitón como era tan raro...

TRUQUIÑOS PARA DEBUXAR...

PÁXINA CON MOITOS MANDALAS CHULIS...

Aquí temos un mandala chulísimo con cousas do mar, para decorar relaxadamente con música de fondo, incienso... ou simplemente unha postura axeitada, e facelo con calma, e cos materiais escollidos (ceras brandas, ceras grosas, rotus...)

E aquí esta o enlace á páxina de onde saiu este mandala. Premede na imaxe e mirade cantas cousas ten!!!

CREADE O VOSO PROPIO FONDO MARIÑO

Premede na imaxe e poderedes crear o voso fondo mariño, cambiando o mar, os corais, os peixes...Para comezar premede en BEGIN, e para gardar o voso fondo mariño SAVE.

OS PIRATAS QUERÍAN LEVAR OS NOSOS TESOUROS

Hoxe, ó chegar, moitos nin miramos para a nosa Praia dos Tesouros (nas arcadas do patio) pero... Alejandro sí que mirou e viu algo estrano, había unha bandeira pirata!!!! Tras varios debates entre nós sobre se existían ou non os piratas, entramos na clase, e fixemos as rutinas e asemblea como cada día. Aínda que hoxe, tiñamos unha nova "profe" era Ana, da que xa nos falara a profe Bea, e que nos veu a visitar e estivo con nós toda a mañá.
Hoxe os trasnos falaron con ela, e avisárona de que as encargadas debían mirar na maleta, pois había algo, e... sorpresa!!! unha mensaxe pirata!!!!!Dentro da maleta había unha botella con cunchas, area... e unha carta, na que escribía un loro, que sempre acompaña ó capitán Pata de Lata, o pirata que máis tesouros leva atopados por todo o mundo.Na carta, dixéronnos que onte se sorprenderon ó enterarse de que tiñamos a nos propia praia dos tesouros, e viñeron ó cole con idea de levalos, pero... como saben nós investigamos moito, propuxéronnos un plan: se nós lles axudamos a investigar sobre AS COUSAS DO MAR, eles non levarán os nosos tesouros, e nós, claro está, aceptamos a proposta, así que... xa sabemos, investigamos as cousas do mar, así que... Podemos traer ó cole, todos os materiais que nos podan axudar nesta pesquisa (cousas de internet, libros, contos, pelis, libros-murais como os que trouxemos a primavera...)
Nós xa empezamos a investigar: debuxamos os nosos mares, dixemos que cousas sabemos sobre que é o mar, e que cousas hai nel...

A NOSA PRAIA DOS TESOUROS

Lembrádesvos de que o outro día, cando fomos á Praia de Area Grande, trouxemos algúns tesouros que íamos atopando? Pois hoxe, con eles, fixemos unha praia propia, no noso patio, unha praia de tesouros.
Ademais, cando íamos sacando os tesouros da bolsa laranxa na que os trouxemos, íamos falando de que era cada cousa, como era... e o que máis nos sorprendeu foi ver unha cousa (que parecía un símbolo de Batman) e que é onde se gardan os ovos das xibas. Aínda que tamén había plumas (de gaivota), cunchas (de mexillóns, de lapas, de cangrexos hermitaños), pedras, paus...
Mirade como quedou a cousa!!!!

PINTORES CRISTALEIR@S!!

Hoxe fixemos de pintor@s, pero non en lenzo nin en papel, nin tampouco de parede... fomos pintorres de cristal!!!!
Hoxe démoslle un toque máis colorido á nosa escola, pintando as fiestras, como podedes comprobar se pasades por diante da escola.
Nestes días, seguiremos dándolles cor, estade atent@s ás nosas novidades, vale?

QUE BEN O PASAMOS!!!!

Hoxe fomos á granxa de pitos da mamá de Joel, o da clase dos maiores.
Pasámolo moi ben, había miles e miles de pitiños, de tan só sete días. Collímolos, de un en un, e ata de dous en dous ou de tres en tres... Algúns dedicabamonos basicamente a ir correteando pola nave espantando ós pitiños, outros andabamos tentando coller os poliños todo o tempo, outros curioseabamos nos sistemas do comedeiro e bebedeiro dos polos... E outros, ata hiptotizabamos poliños. En definitiva, pasámolo moi, moi ben!!!!

RECIBIMOS DOUS PREMIOS

De parte do blogue da Biblioteca do Conservatorio de Música de Lugo, chegounos este premio, que teremos que outorgar a outros 10 blogues.
Moitas grazas á biblioteca por ternos en conta para este premio de ollos virtuais.
E de parte do blogue El pais de los enanos, temos un moi simpático.

Moitísimas grazas!!!!

Outorgo estes dous premios a:
EN POCAS PALABRAS
GUZMANITOS
RECURSOS EDUCATIVOS
NUESTRA CLASE
PEQUERRECHOS
BAÚLES DE COLOR
...
E A TODAS ESAS BITÁCORAS QUE ANDAN POLA REDE E QUE NOS SERVEN PARA VER O DÍA A DÍA NOUTRAS AULAS, RECURSOS... EN DEFINITIVA ESTES PREMIOS SON PARA TODOS ESES BLOGUES QUE MIRAMOS DÍA A DÍA!!!!!

UNHA PÁXINA CON MOITOS RECURSOS

SEMINARIO GALÁN

Xa estamos no mes de maio, e xa sabedes que o día 17 deste mes festéxanse as Letras Galegas. Este ano adicado a Uxío Novoneyra. Como cada ano, o SEMINARIO GALÁN, esmerouse en elaborar un material completísimo para traballar este día, e coma sempre, o material está separado por ciclos, polo que tanto temos recursos os de infantil, coma os de 1º ciclo de primaria, 2º ciclo, etc.
Por se alguén non coñece este seminario, ou por se queredes ver os materiais deste ano e descargalos, deixámosvos aquí o enlace. Ademais ten actividades en liña... Preme AQUÍ.
Moitas grazas de antemán a este Seminario permanente pola súa adicación!!!

O LUNS... IMOS Á GRANXA DE PITOS!!

Lembrade que o luns, dende o cole, imos á GRANXA DE PITOS DA CACHADA e que todos temos que traer a autorización, e previamente poñernos dacordo no asunto dos coches (ás 9:15, en punto, saírase).
Recollerásenos alí ás 11 para voltar á escola.

FOMOS Á PRAIA!!!!!

Sí, sí, sí... o venres estabamos tod@s emocionadísimos, non chegaba a hora de saír, montar nos coches, e coller o traxecto cara á Praia de Area grande, na Guarda.
Alí, ó chegar, tivemos un tempo para desfrutar libremente do entorno, e da compaña de tantos compis das escolas do Cra. Logo, merendamos, cada un cos seus compañeir@s, ó lado do lugar onde tiñamos cada grupo as mochilas, e despois...

XOGAMOS POR ESTACIÓNS!!!

1. Carreiras cos pés atados (nós tamén imitamos animais...)
2. Xogos con paracaídas
3. Xogos con dúas pelotas xigantes.
4. Bolos
5. Xogamos con caldeiros, pás...
6. Xogo da soga-tira.

Cada grupo comezaba nunha estación, e ó sinal de cambio, rotabamos un posto, ata que todos pasaramos por tódalas estacións. Mirade que ben o pasamos!!!!

Algo moi importante nesta saída, foi que nós atopábamos cousas, e levámosllas á profe para ensinarllas e nós dicía que eran TESOUROS, entón nos mandaba gardalas nunha bolsa de tesouros que tiña ela (alí metimos plumas, pedriñas, cunchas e moitas cousas máis...). No cole, seguro que faremos un montón de cousas con estes tesouros!!!

BICHERÍO, BICHERÍO...

Estes días estamos comezando a pescudar un pouquiño sobre OS ANIMAIS, dalgúns xa sabemos moitas cousas, o que se amosa cando a profe pregunta, e tod@s temos un montón de información para darlle, pero doutros aínda temos moitas cousas por saber!!!!
O mércores, no patio, quixemos facer unha primeira observación-experimentación con animais. A profe propúxonos que como estabamos merendando fóra, e ás veces nos caían anaquiños de gaieta, pan... no chan, que ó mellor con eses cachiños que a nós nos caían, e xa non podíamos comer, ó mellor podíamos alimentar a algún animal, non??? Todos dixemos: van vir as formigas a comer aquí!!!
E así foi, como todos, decidimos xuntar esas miguiñas nun sitio do patio, e esperar a ver que ocorría!!! Collimos un xiz, marcamos o espazo para que ninguén pisara por alí, e alí nos quedamos a vixiar... pero... cousa rara, só se achegou unha formiga algo despistada, á que nós tentamos orientar (e iso que tiñamos anaquiños de gaietas, e restos dunha mazá). Mirade o video:

Despois, como todos estabamos pendentes de se viñan ou non más formigas, a profe dixo: pero... ó mellor veñen outros animaliños, que vos parece se vos dou uns botiños por equipos e buscamos animais, e lles damos de comer, os observamos...? Todos queríamos levar os botes, pero fomos primeiro uns e logo outros, e atopamos moitos bichos: formigas, bichos-bola, lombrices... mais non atopamos ningunha xoaniña, así que nos tivemos que conformar con ver as que fixeron as profes con globos, jejeje.

O mundo dos animais encántanos a tódolos nen@s, seguro que aprenderemos un montón de
cousas, estade atent@s!!!
Por certo... se alguén ten unha mascota e no-la quere ensinar no cole, estaremos encantadísim@s de recibila, e aprender cousas con ela: un paxaro, unha tartaruga, un hámster, un canciño, un poliño... queremos velos todos!!!! O mellor día para traela sería o mércores que é cando está Bea toda a mañá. Avisade antes á profe, para que poda preparar algúns materiais, vale???