¿XOGAMOS E APRENDEMOS CON FOLLAS?

Sí, sí, sí! Lembrádesvos de que collimos un montón de follas no patio e as gardamos para facer cousas con elas no cole?
Pois hoxe na asemblea, a profe botou todas as follas no medio e nos preguntou que poderíamos facer con elas: moitos dixemos botalas na basura, botalas no patio... pero a ningún de nós se lle ocorreu que con elas poderíamos xogar a aprender un montón de cousas.
E así foi como hoxe xogamos con elas, traballando distintos conceptos:
longo- curto
moitos - poucos
grandes- pequenos...
E tamén contamos (1, 2, 3, 4, 5, 6, 7, 8, 9, 10...), vimos as distintas gamas de cores que hai nas follas (verdes, marróns, amarelas... clariñas, escuras...).

Despois de facer este xogo, escollimos algunhas follas, e as prensamos, deixarémolas na prensa un par de días, e logo utilizarémolas para o noso LIBRO DO OUTONO.
Tamén vimos na clase algunhas obras de arte, e as temos expostas na nosa propia galería, neste caso, as obras que temos son bodegóns. Vimos que aparece nese tipo de pinturas (froitos, xarras, botellas, copas...) e temos na clase un bodegón, que o longo destes días, teremos que debuxar (a ver se non se nos poñen pochas as froitas!). No noso bodegón temos unha cesta, figos, piñas, uvas, mandarina, cabazas... xa vos ensinaremos como nos quedan.
Despois do recreo, a profe contounos un conto moi chulo "Cartas de Horacio", que conta a historia dunha meiga que non quere ser meiga e o seu gato (que lle escribe cartas a todo mundo para pedir consello para facer que a súa meiga se convirta nunha meiga de verdade) e decidimos que nós tamén queremos escribir cartas, e como a profe coñece moit@s nen@s doutros coles, ímoslles escribir!!!!!

Antes de pensar o que lles imos escribir, como tiñamos pouquiño tempo, fixemos cada un un debuxo para enviarlles ós nosos AMIG@S POSTAIS. Os primeiros nen@s ós que lles escribiremos están nun cole en Oviedo, iso é moi lonxe!!! Teremos que mirar nun mapa onde está, porque non o temos moi claro!